ഇന്ന് അവസാന ഗ്രൂപ്പ് ഘട്ടവും അവസാനിച്ചതോടെ ഹീറോ സൂപ്പർ കപ്പ് സെമി ഫൈനൽ ലൈനപ്പ് തീരുമാനം ആയി. ഗ്രൂപ്പ് എയിൽ നിന്ന് സെമിയിൽ പ്രവേശിച്ച ബെംഗളൂരു എഫ് സിയും ഗ്രൂപ്പ് സിയിൽ നിന്ന് സെമിയിൽ പ്രവേശിച്ച ജംഷഡ്പൂരും ആദ്യ സെമിയിൽ ഏറ്റുമുട്ടും. ഏപ്രിൽ 21 ന് രാത്രി 7 മണിക്ക് കാലിക്കറ്റ് കോർപറേഷൻ സ്റ്റേഡിയത്തിൽ ആകും ഈ സെമി ഫൈനൽ നടക്കുക.
ഗ്രൂപ്പ് ബിയിൽ നിന്ന് സെമിയിൽ പ്രവേശിച്ച ഒഡിഷയും ഗ്രൂപ്പ് ഡിയിൽ നിന്ന് സെമിയിൽ പ്രവേശിച്ച നോർത്ത് ഈസ്റ്റും ആകും രണ്ടാം സെമിയിൽ ഏറ്റുമുട്ടുക. ഏപ്രിൽ 22ന് രാത്രി 7 മണിക്ക് മഞ്ചേരി പയ്യനാട് സ്റ്റേഡിയത്തിൽ ആകും ഈ മത്സരം. രണ്ട് മത്സരവും തത്സമയം സോണി നെറ്റ്വർക്കിലും ഫാൻകോഡ് ആപ്പിലും കാണാം.