ചർച്ചിൽ ബ്രദേഴ്സിനെ മൂന്നിനെതിരെ ആറു ഗോളുകൾക്ക് തോൽപ്പിച്ച് കൊണ്ട് നോർത്ത് ഈസ്റ്റ് യുണൈറ്റഡ് സൂപ്പർ കപ്പ് സെമി ഫൈനലിലേക്ക് മുന്നേറി. വിൽമാർ ജോർദാന്റെ ഹാട്രിക്ക് ആണ് നോർത്ത് ഈസ്റ്റിന് വലിയ വിജയം നൽകിയത്. വിൽമാർ ജോർദാൻ 27 ആം മിനുട്ടിലും 43 മിനുട്ടിലും നേടിയ ഗോളുകൾ ആദ്യ പകുതിയിൽ 2-0ന്റെ ലീഡ് നോർത്ത് ഈസ്റ്റിന് നൽകി.
രണ്ടാം പകുതിയിലും വിൽമാർ ജോർദാൻ ഗോളടി തുടർന്നു. 51,70 മിനിറ്റുകളിൽ വീണ്ടും സ്കോർ ചെയ്തതോടെ കളി നോർത്ത് ഈസ്റ്റിന്റെ കയ്യിലായി. ഈ ടൂർണമെന്റിലെ ആദ്യ ഹാട്രിക്ക് ആയിരുന്നു ഇത്.79 ,92ആം ആം മിനുട്ടുകളിൽ മലയാളി താരം ഗനി അഹമ്മദ് കൂടെ ഗോൾ നേടി വലിയ വിജയത്തിലേക്ക് അവരെ എത്തിച്ചു.
വിജയത്തോട് കൂടി ആറ് പോയിന്റുമായി നോർത്ത് ഈസ്റ്റ് സെമിയിലേക്ക് മാർച്ച് ചെയ്തു. ഇന്ന് ചെന്നൈയിനെ 1-0ന് തോൽപ്പിച്ച മുംബൈ സിറ്റിയും ആറ് പോയിന്റിൽ എത്തി എങ്കിലും ഹെഡ് ടു ഹെഡിൽ നോർത്ത് ഈസ്റ്റ് സെമി ഉറപ്പിക്കുക ആയിരുന്നു.