കലിംഗ സൂപ്പർ കപ്പിൽ നോർത്ത് ഈസ്റ്റ് യുണൈറ്റഡിന് വിജയം. അവർ ഇന്ന് നടന്ന ഗ്രൂപ്പ് മത്സരത്തിൽ നോർത്ത് ഈസ്റ്റ് ഷില്ലോംഗ് ലജോംഗിനെ ആണ് തോൽപ്പിച്ചത്. ഒന്നിനെതിരെ രണ്ടു ഗോളുകൾക്ക് ആണ് നോർത്ത് ഈസ്റ്റ് വിജയിച്ചത്. തുടക്കത്തിൽ 16ആം മിനുട്ടിൽ ഡഗ്ലസിലൂടെ ഷില്ലോംഗ് ലജോംഗ് ലീഡ് എടുത്തിരുന്നു. എന്നാൽ രണ്ടാം പകുതിയിൽ നോർത്ത് ഈസ്റ്റ് തിരിച്ചടിച്ചു.
ഇരട്ട ഗോളുകളുമായി നെസ്റ്റർ ആണ് നോർത്ത് ഈസ്റ്റിന് ജയം നൽകിയത്. 59ആം മിനുട്ടിലും 67ആം മിനുട്ടിലുമായിരുന്നു ഗോളുകൾ. നോർത്ത് ഈസ്റ്റി ആദ്യ മത്സരത്തിൽ ജംഷദ്പൂരിനോട് തോറ്റിരുന്നു. ഷില്ലൊംഗ് ആദ്യ മത്സരത്തിൽ കേരള ബ്ലാസ്റ്റേഴ്സിനോടും പരാാജയപ്പെട്ടിരുന്നു.