കലിംഗ സൂപ്പർ കപ്പിൽ മുംബൈ സിറ്റി സെമി ഫൈനലിലേക്ക് മുന്നേറി. ഇന്ന് നടന്ന ഗ്രൂപ്പ് സിയിലെ അവസാന മത്സരത്തിൽ ചെന്നൈയിനെ ഒരു ഗോളിന് തോൽപ്പിച്ചാണ് മുംബൈ സിറ്റി സെമിഫൈനൽ ഉറപ്പിച്ചത്. ഇന്നത്തെ ജയത്തോടെ ഗ്രൂപ്പ് സി ചാമ്പ്യന്മാരായി മുംബൈ സിറ്റി സെമിയിലേക്ക് മുന്നേറി. അവർ ഗ്രൂപ്പിൽ കളിച്ച മൂന്നു മത്സരങ്ങളും വിജയിച്ചു ചെന്നൈയിനാകട്ടെ രണ്ടു മത്സരങ്ങൾ വിജയിച്ചു രണ്ടാം സ്ഥാനത്ത് ഫിനിഷ് ചെയ്തു.
ഇന്ന് അത്യന്തം ആവേശം നടന്ന മത്സരത്തിൽ ആകെ ഒരു ഗോൾ മാത്രമാണ് ഇരു ടീമുകളും തമ്മിലുള്ള വ്യത്യാസമായി മാറിയത്. മത്സരത്തിന്റെ 24 ആം മിനിറ്റിൽ വാൻ നീഫ് കൊടുത്ത ഒരു ക്രോസിൽ നിന്ന് വാൽപുയിയ ആണ് മുംബൈ സിറ്റിയുടെ ഗോൾ നേടിയത്. ഈ ഗോൾ വിജയഗോളായി മാറുകയും ചെയ്തു. ഇതോടെ മുംബൈ സിറ്റി, ജംഷദ്പൂർ, ഈസ്റ്റ് ബംഗാൾ എന്നിവർ സെമി ഫൈനൽ ഉറപ്പിച്ചു. ഗ്രൂപ്പ് ഡി വിജയികളെ ആകും മുംബൈ സിറ്റി സെമിയിൽ നേരിടുക.