കലിംഗ സൂപ്പർ കപ്പിൽ മോഹൻ ബഗാൻ ഗ്രൂപ്പ് ഘട്ടം വിജയിച്ച് തുടങ്ങി. ഐ ലീഗ് ക്ലബായ ശ്രീനിധി ഡെക്കാനെ നേരിട്ട മോഹൻ ബഗാൻ ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്. തുടക്കത്തിൽ ഒരു ഗോളിന് പിറകിൽ നിന്ന ശേഷം തിരിച്ചടിച്ചാണ് മോഹൻ ബഗാൻ വിജയിച്ചത്. 28ആം മിനുട്ടിൽ ഒരു പെനാൾട്ടിയിലൂടെ വില്യം ഒലിവേരയാണ് ശ്രീനിധിക്ക് ലീഡ് നൽകിയത്.
39ആം മിനുട്ടിൽ കമ്മിങ്സിലൂടെ മോഹൻ ബഗാൻ തിരിച്ചടിച്ചു. രണ്ടാം പകുതിയിൽ 71ആം മിനുട്ടിൽ സദികുവിലൂടെ ബഗാൻ ലീഡും എടുത്തു. അവസാനം ബഗാന്റെ അഭിഷേക് സൂര്യവംശി ചുവപ്പ് കണ്ട് പുറത്തായി എങ്കിലും അവർക്ക് വിജയം പൂർത്തിയാക്കാൻ ആയി.