കലിംഗ സൂപ്പർ കപ്പിൽ മോഹൻ ബഗാന് വിജയം. ഇന്ന് ഹൈദരബാദിനെ നേരിട്ട മോഹൻ ബഗാൻ ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്. 88ആം മിനുട്ട് വരെ ഹൈദരബാദ് മുന്നിട്ടു നിന്ന മത്സരത്തിൽ അവസാന നിമിഷങ്ങളിലാണ് കളി മാറിയത്. ഏഴാം മിനുട്ടിൽ റാമ്ലാൽചുങയുടെ ഗോളിലായിരുന്നു ഹൈദരാബാദ് ലീഡ് എടുത്തത്. ആ ലീഡ് അവർ നിലനിർത്തി വരികയായിരുന്നു. അപ്പോൾ ആണ് 84ആം മിനുട്ടിൽ നിം തമാംഗ് ചുവപ്പ് കണ്ട് പുറത്ത് പോയി. ഹൈദരബാദ് ഇതോടെ 10പേരായി ചുരുങ്ങി.
88ആം മിനുട്ടിൽ ഒരു സെൽഫ് ഗോളിലൂടെ മോഹൻ ബഗാൻ സമനില നേടി. പിന്നാലെ ഒരു പെനാൾട്ടിയും അവർക്ക് ലഭിച്ചു. പെട്രാറ്റോസ് ആ പെനാൾട്ടി ലക്ഷ്യത്തിൽ എത്തിച്ചു. സ്കോർ 2-1 . മോഹൻ ബഗാൻ ആദ്യ മത്സരത്തിൽ ശ്രീനിധിയെയും തോൽപ്പിച്ചിരുന്നു.