കേരള ബ്ലാസ്റ്റേഴ്സ് ഇന്ന് കലിംഗ സൂപ്പർ കപ്പിലെ ആദ്യ മത്സരത്തിന് ഇറങ്ങുന്നു. ഇന്ന് ഭുവനേശ്വറിൽ നടക്കുന്ന മത്സരത്തിൽ കേരള ബ്ലാസ്റ്റേഴ്സ് ഐ ലീഗ് ക്ലബായ ഷില്ലോങ് ലജോങ്ങിനെ നേരിടും. കേരള ബ്ലാസസ്റ്റേഴ്സ് ഇന്നലെ തന്നെ ഭുവനേശ്വറിൽ എത്തിയിരുന്നു. ഇന്ന് ഉച്ചയ്ക്ക് 2 മണിക്ക് ആണ് മത്സരം നടക്കുക. കളി ജിയോ സിനിമയിൽ തത്സമയം കാണാം.
കേരള ബ്ലാസ്റ്റേഴ്സ് ശക്തമായ ടീമും ആയാണ് സൂപ്പർ കപ്പിന് എത്തിയിരിക്കുന്നത്. ആറ് വിദേശ താരങ്ങൾക്ക് വരെ സൂപ്പർ കപ്പിൽ ആദ്യ ഇലവനിൽ ഇറങ്ങാം. അതുകൊണ്ട് തന്നെ കേരള ബ്ലാസ്റ്റേഴ്സ് അവരുടെ എല്ലാ വിദേശ താരങ്ങളെയും ആദ്യ ഇലവനിൽ ഇറക്കിയേക്കും. രാഹുൽ കെ പി, പ്രിതം കോടാൽ, ഇഷാൻ പണ്ടിത എന്നിവർ ഇന്ത്യൻ ടീമിനൊപ്പം ഖത്തറിൽ ആയതിനാൽ അവർ കേരള ബ്ലാസ്റ്റേഴ്സിനൊപ്പം ഇല്ല. പരിക്ക് കാരണം ലൂണയും ടീമിൽ ഇല്ല.
പരിക്ക് മാറിയ ജീക്സൺ, വിബിൻ എന്നിവർ ടീമിനൊപ്പം ഉണ്ട്.