കലിംഗ സൂപ്പർ കപ്പിൽ ഇന്ന് രണ്ടാം മത്സരത്തിൽ കേരള ബ്ലാസ്റ്റേഴ്സ് ജംഷദ്പൂർ എഫ് സിയെ നേരിടുകയാണ്. മത്സരം ആദ്യ പകുതിക്ക് പിരിയുമ്പോൾ കേരള ബ്ലാസ്റ്റേഴ്സ് 1-1ന്റെ സമനിലയിൽ നിൽക്കുന്നു. ഇന്ന് അഞ്ച് വിദേശ താരങ്ങളുമായി ഇറങ്ങി കേരള ബ്ലാസ്റ്റേഴ്സിന് നല്ല തുടക്കമാണ് ലഭിച്ചത്. തുടക്കത്തിൽ ബ്ലാസ്റ്റേഴ്സ് അധിക അവസരം ജംഷദ്പൂരിന് നൽകിയില്ല.
മത്സരത്തിന്റെ 29ആം മിനുട്ടിൽ ഒരു പെനാൾട്ടിയിൽ നിന്നാണ് കേരള ബ്ലാസ്റ്റേഴ്സ് ലീഡ് എടുത്തത്. ഡെയ്സുകെയെ വീഴ്ത്തിയതിന് കിട്ടിയ പെനാൾട്ടി ദിമിത്രിയോസ് ലക്ഷ്യത്തിൽ എത്തിച്ചു. സ്കോർ 1-0. എന്നാൽ ഈ ലീഡ് അധികം നീണ്ടു നിന്നില്ല. 33ആം മിനുട്ടിൽ തന്നെ ജംഷദ്പൂർ സമനില നേടി. ചിമ ചുക്വു ആണ് അവരുടെ സമനില ഗോൾ നേടിയത്. സ്കോർ 1-1. ഇതിനു ശേഷം അധികം അവസരങ്ങൾ ആദ്യ പകുതിയിൽ ഇരു ടീമുകളിൽ നിന്നും വന്നില്ല.