ഇന്ന് വീണ്ടും കേരള ബ്ലാസ്റ്റേഴ്സും ബെംഗളൂരു എഫ് സിയും നേർക്കുനേർ വരികയാണ്. ഐ എസ് എല്ലികെ വിവാദ പ്ലേ ഓഫ് മത്സരത്തിന്റെ ഓർമ്മകൾ എല്ലാവരും മറന്നു തുടങ്ങുന്നതിന് മുമ്പ് തന്നെ ഇന്ന് കോഴിക്കോട് ഇ എം എസ് സ്റ്റേഡിയത്തിൽ വെച്ച് രണ്ട് ടീമുകളും നേർക്കുനേർ വരും. ഹീറോ സൂപ്പർ കപ്പ് ഗ്രൂപ്പ് ഘട്ടത്തിലെ അവസാന മത്സരത്തിലാണ് വൈരികൾ വീണ്ടും കണ്ടു മുട്ടുന്നത്.
ഗ്രൂപ്പ് ഘട്ടത്തിൽ രണ്ട് മത്സരങ്ങളിൽ നിന്ന് മൂന്ന് പോയിന്റ് മാത്രമുള്ള ബ്ലാസ്റ്റേഴ്സ് ഇന്ന് വിജയിച്ചാൽ മാത്രമെ വിദൂര സാധ്യത എങ്കിലും ഉണ്ടാവവുകയുള്ളൂ. നാലു പോയിന്റുള്ള ബെംഗളൂരു എഫ് സിക്കും സെമി ഫൈനൽ ഉറപ്പിക്കാൻ ഒരു വിജയം ഇന്ന് നേടണം. കേരള ബ്ലാസ്റ്റേഴ്സ് നിരയിൽ ഇന്ന് ഇവാൻ കലിയുഷ്നി ഉണ്ടാകില്ല. ഇന്ന് രാത്രി 8.30നാണ് മത്സരം. കളി തത്സമയം ഫാൻകോഡ് ആപ്പിലും സോണി സ്പോർട്സ് ചാനലിലും കാണാ.
ബെംഗളൂരു ആണ് എതിരാളികൾ എന്നത് കൊണ്ട് തന്നെ ഇന്ന് കോഴിക്കോട് സ്റ്റേഡിയത്തിൽ ജനസാഗരം തന്നെ എത്തും എന്നാണ് പ്രതീക്ഷ. അവസാനമായി ഐ എസ് എൽ പ്ലേ ഓഫിൽ ബെംഗളൂരുവിനെ ബ്ലാസ്റ്റേഴ്സ് നേരിട്ടപ്പോൾ സുനിൽ ഛേത്രി ഒരു വിവാദ ഗോൾ നേടുകയും കളി നിർത്തിവെക്കേണ്ടതായും വന്നിരുന്നു.