ഐ എസ് എൽ ക്ലബായ എഫ് സി ഗോവ സൂപ്പർ കപ്പിൽ ഗോകുലം കേരളയെ പരാജയപ്പെടുത്തി. ഇന്ന് മറുപടിയില്ലാത്ത ഏക ഗോളിനായിരുന്നു ഗോവയുടെ വിജയം. 90ആം ഐകർ ആണ് ഗോവയുടെ വിജയ ഗോൾ നേടിയത്. ആദ്യ കളിയിൽ എ ടി കെ മോഹൻ ബഗാനോട് 5-1 ന് പരാജയപ്പെട്ട ഗോകുലത്തിന്റെ സെമി പ്രതീക്ഷകൾ ഇതോടെ അവസാനിച്ചു.
ഇന്ന് ആദ്യ പകുതിയിൽ പറയത്തക്ക മുന്നേറ്റങ്ങൾ ഇരു ടീമുകളുടെ ഭാഗത്ത് നിന്നും ഉണ്ടായില്ല.
ആദ്യ പകുതിയിൽ fc ഗോവക്ക് 6 ഉം ഗോകുലത്തിന് 2 ഉം വീതം കോർണർ കിക്കുകൾ ലഭിച്ചെങ്കിലും കാര്യമായ രീതിയിൽ ഉപയോഗപ്പെടുത്താൻ ഇരു ടീമുകൾക്കും കഴിഞ്ഞില്ല.
സെക്കൻഡ് ഹാഫിൽ കളി ഉണർന്നു.49 ആം മിനുട്ടിൽ fc ഗോവയുടെ നോഹ് നൽകിയ ഒന്നാന്തരം ക്രോസ്സ് മകൻ ചോതി പോസ്റ്റിലേക്കടിച്ചെങ്കിലും ഗോകുലം മലയാളി ഗോൾ കീപ്പർ ഷിബിൻ രാജ് തടഞ്ഞിട്ടു. 51 ആം മിനിറ്റിൽ ഹാഫിൽ നിന്നും ഉയർന്ന് കിട്ടിയ പന്തുമായി ഇടത് വിങ്ങിൽ നിന്നും സൗരവ് ഓടി കയറി പോസ്റ്റിന്റെ വലത് മൂലയിലേക്ക് ഗോൾ കീപ്പറെയും മറികടന്ന് പ്ലേസ് ചെയ്തെങ്കിലും പോസ്റ്റിന് തൊട്ടരികിലൂടെ പുറത്തേക്ക് പോയി .
67 ആം മിനുട്ടിൽ വലത് വിങ്ങിൽ നിന്നും സൗരവിന്റെ മറ്റൊരു ശ്രമം ഗോൾ കീപ്പർ പുറത്തേക്ക് തട്ടി രക്ഷപ്പെടുത്തി. 90 ആം മിനുട്ടിൽ fc ഗോവ വിജയ ഗോൾ നേടി.
ഗോകുലം കേരളയുടെ അബ്ദുൽ ഹക്കുവിന്റെ പിഴവിൽ നിന്നും കിട്ടിയ പന്ത് എഫ്സി ഗോവയുടെ നോഹ് ഗോളിലേക്ക് ശ്രമിച്ചു.ഗോകുലം ഗോൾ കീപ്പർ ഷിബിൻ രാജ് തടുത്തിട്ട പന്ത് റീബൗണ്ട് കിക്കിലൂടെ ഐക്കർ വലയിലാക്കി.