സൂപ്പർ കപ്പിനായി ഒരുങ്ങുന്ന ഈസ്റ്റ് ബംഗാളിന് വൻ തിരിച്ചടി. വിദേശ സ്ട്രൈക്കറായ എസ്കേഡ ക്ലബ് വിടാൻ തീരുമാനിച്ചതാണ് ഇപ്പോൾ പ്രശ്നമായിരിക്കുന്നത്. ഈ സീസണിൽ ഈസ്റ്റ് ബംഗാളിനായി മികച്ച പ്രകടനം എസ്കേഡ കാഴ്ചവെച്ചിരുന്നു. ലീഗിൽ 9 ഗോളുകളും താരം നേടിയിരുന്നു. എന്നാൽ പരിശീലകനുമായുള്ള അഭിപ്രായ വ്യത്യാസം എസ്കേഡയെ ടീം വിടാൻ നിർബന്ധിതനാക്കി.
ഒപ്പം കൊൽക്കത്ത ഫുട്ബോൾ ലീഗിൽ കളിക്കാൻ ആവില്ല എന്ന് എസ്കേഡ പറഞ്ഞതും ക്ലബ് താരത്തെ റിലീസ് ചെയ്യാനുള്ള കാരണമായി. സൂപ്പർ കപ്പിൽ കളിക്കാൻ ഇതോടെ ഈസ്റ്റ് ബംഗാളിൻ സ്ട്രൈക്കർ ഇല്ലാതായിരിക്കുകയാണ്. മലയാക്കി സ്ട്രൈക്കറായ ജോബി ജസ്റ്റിനും സൂപ്പർ കപ്പിനുണ്ടാവില്ല. സസ്പെൻഷനാണ് ജോബിക്ക് വിനയാവുന്നത്.
