ഈസ്റ്റ് വംഗാളും ഐസാളും അവരുടെ ഹീറോ സൂപ്പർ കപ്പ് ഒരു സമനിലയുമായി അവസാനിപ്പിച്ചു. രണ്ട് തോൽവിയുമായി ഐസ്വോളും രണ്ട് സമനിലയുമായി ഈസ്റ്റ് ബംഗാളും ഗ്രൂപ്പ് ബി യിലെ അവസാന പോരാട്ടം തുടങ്ങും മുമ്പ് തന്നെ സെമി പ്രതീക്ഷ അവസാനിച്ച അവസ്ഥയിലായിരുന്നു. ഇന്നത്തെ മത്സരം 2-2 എന്ന നിലയിലാണ് അവസാനിച്ചത്.
16 ആം മിനുട്ടിൽ മഹേഷ് സിംഗ് ഈസ്റ്റ് ബംഗാളിന് വേണ്ടി ആദ്യ ഗോൾ നേടി.ക്യാപ്റ്റൻ ഒലിവേരിയ നൽകിയ ത്രൂ പാസ്സിലായിരുന്നു ഗോൾ.
21 ആം മിനുട്ടിൽ വി പി സുഹൈർ വലത് വിങ്ങിൽ നിന്നും കൊടുത്ത ബോൾ സുമിത് ബാസി ഹെഡ് ചെയ്തു ഈസ്റ്റ് ബംഗാളിന്റെ രണ്ടാം ഗോൾ നേടി.
43 ആം മിനുട്ടിൽ ഐസ്വോൾ ന്റെ ജപ്പാൻ താരം അകിറ്റൊ സൈറ്റോ ബോക്സിൽ നിന്നും കിട്ടിയ ബോൾ ഗോൾ പോസ്റ്റിലേക്കടിച്ചു. ഈസ്റ്റ് ബംഗാൾ ഗോൾ കീപ്പർ കമൽജിത് തട്ടിയിട്ട പന്ത് വലത് വിങ്ങിൽ നിന്നും ഐസ്വേൾ മുന്നേറ്റ താരം ഡേവിഡ് ബോക്സിന്റെ ഒത്ത മധ്യത്തിൽ നിൽക്കുകയായിരുന്ന ലാൽഹുറെ ലുവാൻഗക്ക്
നൽകി. ലാൽഹുറെ പന്ത് വലയിലാക്കി. സ്കോർ 2-1
രണ്ടാം പകുതിയുടെ തുടക്കത്തിൽ തന്നെ ഐസോൾ രണ്ടാം ഗോളും മടക്കി. ഐസോളിൻറെ മധ്യ നിരയിൽ നിന്നും വന്ന മുന്നേറ്റം ഈസ്റ്റ് ബംഗാൾ ഗോൾ കീപ്പർ കമൽ ജിത്ത് തടഞ്ഞിട്ടു.
പന്ത് വീണ് കിട്ടിയ ഐസോൾ മിഡ്ഫീൽഡർ മഫേല വേഗത്തിൽ പന്ത് ഡേവിഡിന് കൈമാറി. ബോക്സിന് വെളിയിൽ സ്ഥാനം തെറ്റി കിടക്കുകയായിരുന്ന ഈസ്റ്റ് ബംഗാൾ ഗോൾ കീപ്പർ കമൽജിത്തിന്റെ മുകളിലൂടെ താരം പന്ത് വലയിലേക്ക് അടിച്ചു കയറ്റി. സ്കോർ 2-2