കലിംഗ സൂപ്പർ കപ്പിലെ ആദ്യ മത്സരത്തിനായുള്ള ലൈനപ്പ് കേരള ബ്ലാസ്റ്റേഴ്സ് പ്രഖ്യാപിച്ചു. ഷില്ലൊംഗ് ലജോംഗിനെ നേരിടുന്ന ബ്ലാസ്റ്റേഴ്സിനെ ദിമി ആകും ഇന്ന് നയിക്കുക. ആറോളം വിദേശ താരങ്ങളെ ലൈനപ്പിൽ ഉൾപ്പെടുത്താം എങ്കിലും കേരള ബ്ലാസ്റ്റേഴ്സിന്റെ ആദ്യ ഇലവനിൽ ഇന്ന് നാല് വിദേശ താരങ്ങൾ മാത്രമേ ഉള്ളൂ.
സച്ചിൻ സുരേഷ് വലകാക്കുന്നു. പ്രബീർ, ഡ്രിഞ്ചിച്, ഹോർമി, നവോച എന്നിവരാണ് ഡിഫൻസിൽ. ഡാനിഷും അസ്ഹറും മധ്യനിരയിൽ കളിക്കുന്നു. ഐമൻ, ഡെയ്സുകെ, പെപ്ര, ദിമി എന്നിവർ അറ്റാക്കിൽ ഉണ്ട്. പരിക്ക് മാറി എത്തിയ ജീക്സൺ ബെഞ്ചിൽ ഉണ്ട്. ലെസ്കോവിചും ബെഞ്ചിൽ ആണ്.
