കലിംഗ സൂപ്പർ കപ്പിൽ ഒഡീഷക്ക് വിജയം. ഇന്ന് ഗ്രൂപ്പിലെ ആദ്യ മത്സരത്തിൽ ബംഗളൂരു എഫ്സിയെ നേരിട്ട ഒഡീഷ എതിരില്ലാത്ത ഒരു ഗോളിനാണ് വിജയിച്ചത്. മത്സരത്തിന്റെ ഇരുപത്തിയൊന്നാം മിനിറ്റിൽ അഹമ്മദ് ജാഹു ആണ് ഇന്ന് ഒഡീഷക്കായി ഗോൾ നേടിയത്. ഒരു ഫ്രീകിക്കിൽ നിന്ന് ആയിരുന്നു അഹമ്മദ് ജാഹുവിൻറെ ഗോൾ.
ഈ ഗോളിന് മറുപടി പറയാൻ ബംഗളൂരു എഫ്സി ആയില്ല ബംഗളൂരു അടുത്ത മത്സരത്തിൽ എഫ് സി ഗോവയാണ് നേരിടേണ്ടത്. ഒഡീഷ ആകട്ടെ ഇനി അടുത്ത മത്സരത്തിൽ ഇൻറർ കാശിയെ നേരിടും. ഗോവ ആദ്യ മത്സരത്തിൽ ഇന്റർ കാശിയെ തോൽപ്പിച്ചിരുന്നു.