ഒരു ചെറിയ ഇടവേളക്ക് ശേഷം കേരള ബ്ലാസ്റ്റേഴ്സ് വീണ്ടും ഒരുമിക്കുകയാണ്. നാളെ മുതൽ കേരള ബ്ലാസ്റ്റേഴ്സ് കൊച്ചിയിൽ പരിശീലനം പുനരാരംഭിക്കും. പനമ്പിള്ളി നഗർ സ്റ്റേഡിയത്തിൽ ആകും സൂപ്പർ കപ്പിനായുള്ള ബ്ലാസ്റ്റേഴ്സിന്റെ ഒരുക്കങ്ങൾ നടക്കുക. ഇന്ത്യൻ സൂപ്പർ ലീഗിൽ പ്ലേ ഓഫിൽ യാത്ര അവസാനിച്ച കേരള ബ്ലാസ്റ്റേഴ്സ് അവസാന രണ്ട് ആഴ്ച ആയി വിശ്രമത്തിൽ ആയിരുന്നു.
താരങ്ങൾ അവരുടെ കുടുംബത്തോടൊപ്പം ഈ സമയം ചിലവഴിച്ചു. കോഴിക്കോടും മഞ്ചേരിയും വെച്ചാണ് സൂപ്പർ കപ്പ് നടക്കുന്നത്. കേരള ബ്ലാസ്റ്റേഴ്സിന്റെ മത്സരങ്ങൾ കോഴിക്കോട് വെച്ചാണ് നടക്കുക. സൂപ്പർ കപ്പിന് കേരള ബ്ലാസ്റ്റേഴ്സ് ഒന്നാം നിര ടീമിനെ തന്നെ കളത്തിൽ ഇറക്കും എന്ന് ക്ലബ് വ്യക്തമാക്കിയിട്ടുണ്ട്. എ എഫ് സി കപ്പ് യോഗ്യത സ്വന്തമാക്കാം എന്നുള്ളത് കൊണ്ട് വിദേശ താരങ്ങളെ എല്ലാം സൂപ്പർ കപ്പ് സ്ക്വാഡിൽ ഉൾപ്പെടുത്തും.
