സൂപ്പർ കപ്പ് ഫൈനലിൽ ഇന്ന് റയൽ മാഡ്രിഡും ബാഴ്സലോണയും ഇറങ്ങും. സൗദി അറേബ്യയിൽ നടക്കുന്ന സ്പാനിഷ് സൂപ്പർ കപ്പ് ഫൈനലിൽ ആണ് ഇന്ന് എൽ ക്ലാസികോ ആവേശം ഉയരുന്നത്. ഇന്ന് രാത്രി 12.30നാണ് ഫൈനൽ മത്സരം നടക്കുക. സെമി ഫൈനലിൽ അത്ലറ്റിക്കോ മാഡ്രിഡിനെ ആവേശകരമായ പോരാട്ടത്തിന് ഒടുവിൽ 5-3ന് തോൽപ്പിച്ചായിരുന്നു റയൽ മാഡ്രിഡ് ഫൈനലിലേക്ക് എത്തിയത്.
ബാഴ്സലോണ ആകട്ടെ ഒസാസുനയെ ആണ് സെമി ഫൈനലിൽ തോൽപ്പിച്ചത്. 2-0 എന്ന സ്കോറിനായിരുന്നു വിജയം. അവസാന അഞ്ച് സീസണുകളി സൂപ്പർ കപ്പ് ട്രോഫി നേടാൻ റയലിനായിട്ടില്ല. ഇന്ന് കിരീടം നേടിയാൽ അത് അവരുടെ 13-ാം സൂപ്പർ കപ്പ് ആകും. ബാഴ്സലോണക്ക് 14 സൂപ്പർ കപ്പ് കിരീടങ്ങൾ ഉണ്ട്.
റയൽ മാഡ്രിഡ് അവസാന 20 മത്സരങ്ങളിൽ (W17, D3) തോൽവി അറിയാതെ ആണ് ഫൈനലിലേക്ക് എത്തുന്നത്.