ഇന്ന് ത്രിരാഷ്ട്ര ടൂർണമെന്റിൽ സുനിൽ ഛേത്രി ആകും ഇന്ത്യയെ നയിക്കുക. ഇന്ന് ആദ്യ മത്സരത്തിൽ മ്യാന്മാറിനെ ഇന്ത്യ നേരിടുമ്പോൾ സുനിൽ ഛേത്രി ക്യാപ്റ്റൻ ആം ബാൻഡ് അണിയും എന്ന് പ്രമുഖ മാധ്യമപ്രവർത്തകൻ മാർക്കസ് റിപ്പോർട്ട് ചെയ്യുന്നു. ഐ എസ് എൽ ഫൈനലിൽ കളിച്ച താരങ്ങൾക്ക് ആദ്യ മത്സരത്തിൽ വിശ്രമം നൽകാൻ സ്റ്റിമാച് പദ്ധയിട്ടിരുന്നു. എന്നാൽ സുനിൽ ഛേത്രി ഇന്ന് ആദ്യ ഇലവനിൽ തന്നെ ഉണ്ടാകും.
ഒഡീഷ എഫ് സിയുടെ ഗോൾ കീപ്പർ ആയ അമ്രീന്ദർ സിംഗ് ആകും ഇന്ന് വല കാക്കുക. ഗ്രുപ്രീത് ഇന്ന് ഇറങ്ങില്ല. മുംബൈ സിറ്റിയുടെ യുവതാരം മെഹ്താബ് സിംഗ് ഇന്ത്യക്ക് ആയി അരങ്ങേറ്റം നടത്തുകയും ചെയ്യും. ഇന്ന് വൈകിട്ട് 6 മണിക്കാണ് ഇന്ത്യ മ്യാന്മാർ മത്സരം നടക്കുന്നത്.