ഇന്ത്യൻ ഫുട്ബോളർ സുമിത് രാതിയെ സ്വന്തമാക്കി സൂപ്പർ ലീഗ് കേരള ടീമായ തൃശൂർ മാജിക് എഫ്സി. പ്രതിരോധത്തിലെ കരുത്തും ഇന്ത്യൻ സൂപ്പർ ലീഗിലെ (ഐഎസ്എൽ) അനുഭവപരിചയവുമാണ് സുമിത്തിനെ ടീമിലെത്തിക്കാൻ പ്രധാന കാരണം. ക്ലബ്ബ് ഈ സൈനിംഗ് ഔദ്യോഗികമായി പ്രഖ്യാപിച്ചു.
രണ്ട് തവണ ഐഎസ്എൽ ചാമ്പ്യനായ സുമിത് റതി, 2019-20 സീസണിലെ മികച്ച യുവതാരത്തിനുള്ള പുരസ്കാരവും നേടിയിട്ടുണ്ട്. മോഹൻ ബഗാൻ സൂപ്പർ ജയന്റ്, നോർത്ത് ഈസ്റ്റ് യുണൈറ്റഡ് എഫ്സി തുടങ്ങിയ മുൻനിര ക്ലബ്ബുകളിൽ കളിച്ച പരിചയസമ്പത്തും സുമിത്തിനുണ്ട്.