സുബ്രതോ കപ്പ് അണ്ടർ 14 കേരള ജേതാക്കളായി എടത്താനാട്ടുകര ജി ഒ എച്ച് എസ് എസ്. ഫൈനലിൽ തൃശൂർ ദീപ്തി ഹയർ സെക്കണ്ടറി സ്കൂളിനെ എതിരില്ലാത്ത 5 ഗോളുകൾക്ക് തകർത്താണ് സ്കൂൾ കിരീടം ചൂടിയത്.
ക്വാർട്ടറിൽ എം എസ് പി യെ എതിരില്ലാത്ത 2 ഗോളിനും, സെമി ഫൈനലിൽ പറപ്പൂർ എഫ് സിയെ 4-2 നും മറികടന്നാണ് എടത്തനാട്ടുകര ജേതാക്കളായത്. ടൂർണമെന്റിൽ 9 ഗോളുകൾ നേടിയ ഷമീർ, 4 ഗോളുകൾ നേടിയ മിൻഹാജ്, 3 ഗോളുകൾ നേടിയ ഹാഫിസ് എന്നിവരുടെ പ്രകടനങ്ങൾ കിരീട നേട്ടത്തിൽ നിർണായകമായി. പരിശീലകൻ സുനീർ വി പി ക്ക് പുറമെ സ്കൂളിലെ കായികാധ്യാപകൻ ഷിനുവിന്റെ മികച്ച പിന്തുണയും സ്കൂളിന്റെ നേട്ടത്തിന് കാരണമായി.
ഓഗസ്റ്റിൽ ഡൽഹിയിൽ നടക്കുന്ന ടൂർണമെന്റിലും സ്കൂൾ പങ്കെടുക്കുന്നുണ്ട്.