പെൺകുട്ടികളുടെ സംസ്ഥാന സബ് ജൂനിയർ ചാമ്പ്യൻഷിപ്പിൽ എറണാകുളം ജേതാക്കൾ. കലിക്കറ്റ് യൂണിവേഴ്സിറ്റി സ്റ്റേഡിയത്തിൽ നടന്ന പെൺകുട്ടികളുടെ സബ് ജൂനിയർ സ്റ്റേറ്റ് ഫുട്ബാൾ ചാമ്പ്യൻഷിപ്പിന്റെ ഫൈനലിൽ കോഴികോടിനെ 2-0 ന് പരാജയപ്പെടുത്തിയാണ് ചാമ്പ്യന്മാരായത്. ആലിയയുടെ ഇരട്ട ഗോളുകൾ ആണ് എറണാകുളത്തിന് വിജയം നൽകിയത്. 42, 54 മിനുട്ടുകളിൽ ആയിരുന്നു ആലിയയുടെ ഗോളുകൾ.
മലപ്പുറത്തെ 3 – 1 ന് പരാജയപ്പെടുത്തി കാസർക്കോട് മൂന്നാം സ്ഥാനവും നേടി. ചാമ്പ്യൻഷിപ്പിലെ ഏറ്റവും നല്ല കളിക്കാരിയായി എറണാകുളത്തിന്റെ ആലിയ കെ വിയെ തിരഞ്ഞെടുത്തു. ചടങ്ങിൽ മുൻ ഇന്റർ നാഷണൽ ഫുട്ബാളർ അനസ് എടത്തൊടിക ട്രോഫികൾ വിതരണം ചെയ്തു. ശ്രീനിജൻ MLA , ജലീൽ മയൂരാ, പ്രഫ. പി. അഷറഫ് , ഡോ. പിയം സുധീർ കുമാർ, ഹൃഷികേഷ് കുമാർ , നയീം ചേറൂർ, എം. മുനീർ, മുഹമ്മദ് ഇസ്മയിൽ, മൻസൂർ അലി, ഫിറോസ് , ബഷീർ ചെമ്മാട് എന്നിവർ പങ്കെടുത്തു.