കാലിക്കറ്റ് യൂണിവേഴ്സിറ്റിയിൽ നടക്കുന്ന പെൺകുട്ടികളുടെ സംസ്ഥാന സബ് ജൂനിയർ ഫുട്ബാൾ ചാമ്പ്യൻഷിപ്പിന്റെ പ്രാരംഭ ലീഗ് റൗണ്ട് മത്സരങ്ങൾ അവസാനിച്ചു. എ ഗ്രൂപിൽ നിന്ന് ജേതാക്കളായി എറണാകുളവും രണ്ടാം സ്ഥാനക്കാരായി കോഴിക്കോടും, ബി ഗ്രൂപ്പിലെ ഒന്നാം സ്ഥാനക്കാരായി കാസർക്കോടും, സി ഗ്രൂപ്പിലെ ഒന്നാം സ്ഥാനക്കാരായി മലപ്പുറവും സെമി ഫൈനലിൽ പ്രവേശിച്ചു.
ഇന്ന് രാവിലെ നടന്ന മത്സരത്തിൽ മലപ്പുറം ശക്തരായ കണ്ണൂരിനെ 4-2 ന് പരാജയപ്പെടുത്തി. മറ്റൊരു മത്സരത്തിൽ ഏറണാകുളം 4-1 ന് കോഴിക്കോടിനെ പരാജയപ്പെടുത്തി. അവസാന മത്സരത്തിൽ കാസർക്കോട് 6-3ന് ആലപ്പുഴയെ പരാജയപ്പെടുത്തി. നാളെ രാവിലെ 7 നും 8.30 നുo സെമി ഫൈനൽ മത്സരങ്ങൾ ആരംഭിക്കും. ആദ്യ സെമിയിൽ മലപ്പുറം എറണാകുളത്തേയും, രണ്ടാം സെമിയിൽ കോഴിക്കോട് കാസർകോടിനേയും നേരിടും .