വണ്ടൂർ വി എം സി ഹയർ സെക്കൻ്ററി സ്കൂൾ ഗ്രൗണ്ടിൽ വെച്ച് നടന്ന മലപ്പുറം ജില്ലാ ‘ജി’ ഡിവിഷൻ ഫുട്ബാൾ ചാമ്പ്യൻഷിപ്പിൽ 14 പോയൻ്റ് നേടി സോക്കർ യൂത്ത്സ് മുണ്ടുപറമ്പ് ചാമ്പ്യന്മാരായി. 13 പോയൻ്റ് നേടി എൻ എൻ എം എഫ് എ ചേലേമ്പ്ര രണ്ടാം സ്ഥാനം നേടി. രണ്ട് ടീമുകളും എഫ് ഡിവഷനിലേക്ക് സ്ഥാനക്കയറ്റം നേടി. വിജയികൾക്ക് എംഡിഎഫ്എ സെക്രട്ടറി ഡോ. പി.എം. സുധിർ കുമാർ ട്രോഫികൾ വിതരണം ചെയ്തു. എംഡിഎഫ്എ വൈസ് പ്രസിഡന്റ് ശ്രീ. സിറാജുദീൻ പി, ജോ. സെക്രട്ടറിമാരായ കെ എ നാസർ, മുനീർ എം, എക്സികുട്ടീവ് മെമ്പർ ഫിറോസ്, നിസാർ തൃപ്പനച്ചി, ഖാലിദ് എന്നിവർ സംസാരിച്ചു.
