പാണ്ടിക്കാട് അഖിലേന്ത്യാ സെവൻസ് ടൂർണമെന്റിൽ ലിൻഷാ മണ്ണാർക്കാടും എഫ്സി തൃക്കരിപ്പൂരും തമ്മിലുള്ള ആവേശകരമായ മത്സരത്തിൽ ലിൻഷ 2-0 ന് വിജയിച്ചു. കോട്ടക്കലിൽ ടൗൺ ടീമിനെതിരെ കഴിഞ്ഞ ദിവസം തോൽവി ഏറ്റുവാങ്ങിയ ലിൻഷയ്ക്ക് ഈ വിജയം ആശ്വാസമായി. ഈ വിജയത്തോടെ, തങ്ങളുടെ അവസാന 4 മത്സരങ്ങളിൽ 3ലും വിജയിച്ച ലിൻഷ നല്ല ഫോമിലാണെന്ന് തെളിയിക്കുകയാണ്. ഈ ജയത്റ്റ്ജോടെ ടൂർണമെന്റിന്റെ അടുത്ത റൗണ്ടിലേക്കും ലിൻഷ കടന്നു. എഫ്സി തൃക്കരിപ്പൂർ ടൂർണമെന്റിൽ നിന്ന് പുറത്താവുകയും ചെയ്തു.
നാളെ ടൗൺ ടീം അരീക്കോടും റോയൽ ട്രാവൽസ് കോഴിക്കോടും തമ്മിലാകും പാണ്ടിക്കാട് മത്സരം. ഇരു ടീമുകളും അടുത്ത റൗണ്ടിൽ ഒരു സ്ഥാനത്തിനായി പോരാടും, ടൂർണമെന്റിൽ തങ്ങളുടെ സ്ഥാനം ഉറപ്പിക്കുക എന്ന ലക്ഷ്യത്തോടെ വരുന്ന ടീമുകൾ ആരാധകർക്ക് ആവേശകരമായ മത്സരം നൽകും എന്ന് പ്രതീക്ഷിക്കാം.