Category: Sevens

തുവ്വൂർ അഖിലേന്ത്യാ സെവൻസിന്റെ കലാശപോരാട്ടത്തിൽ റോയൽ ട്രാവൽസ് കോഴിക്കോട് വിജയിച്ചു. എ വൈ സി ഉച്ചാരക്കടവിനെ തോൽപ്പിച്ചാണ് റോയൽസ് കിരീടം ഉയർത്തിയത്. പെനാൾട്ടി ഷൂട്ടൗട്ടിൽ ആയിരുന്നു റോയൽ ട്രാവൽസിന്റെ വിജയം.

കളിയുടെ രണ്ടാം മിനുട്ടിൽ തന്നെ റോയൽ ട്രാവൽസ് തുവ്വൂരിൽ ലീഡെടുത്തു. പക്ഷെ ശക്തമായി തിരിച്ചുവന്ന എ വൈ സി ഉച്ചാരക്കടവ് ഹാഫ് ടൈമിനു മുന്നേ സമനില ഗോൾ പിടിച്ചു. പിന്നീട് കളി പെനാൾട്ടി ഷൂട്ടൗട്ടിൽ എത്തുകയായിരുന്നു. ഷൂട്ടൗട്ടിലെ അവസാന കിക്ക് എ വൈ സിക്ക് പിഴച്ചു.

റോയൽ ട്രാവൽസ് എഫ് സിയുടെ സീസണിലെ രണ്ടാം കിരീടമാണിത്. ചാവക്കാട് അഖിലേന്ത്യാ സെവൻസിലും റോയൽ ട്രാവൽസ് കിരീടം നേടിയിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

സീസണിൽ മോശം തുടക്കം മറക്കാൻ പാകത്തിലുള്ള മുന്നേറ്റമാണ് മെഡിഗാഡ് അരീക്കോട് കൊണ്ടോട്ടിയിൽ നടത്തുന്നത്. ഇന്നലെ നടന്ന സെമി പോരാട്ടത്തിൽ എ വൈ സി ഉച്ചാരക്കടവിനെ തകർത്താണ് മെഡിഗാഡ് ഫൈനലിലേക്ക് കുതിച്ചത്. ഒന്നിനെതിരെ നാലു ഗോളുകൾക്കായിരുന്നു മെഡിഗാഡിന്റെ ജയം.

റോയൽ ട്രാവൽസ് കോഴിക്കോടാണ് മെഡിഗാഡിന് ഫൈനലിൽ കൊണ്ടോട്ടിയിൽ എതിരാളികൾ. കഴിഞ്ഞ ദിവസം സൂപ്പർ സ്റ്റുഡിയോ മലപ്പുറത്തെ തോൽപ്പിച്ചാണ് റോയൽ ട്രാവൽസ് ഫൈനലിൽ എത്തിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

അങ്ങനെ അവസാനം ഫിഫാ മഞ്ചേരിക്ക് സ്വന്തം മണ്ണിൽ ജയം. ഇന്നലെ എഫ് സി തിരുവനന്തപുരത്തെ രണ്ടാം തവണയും മഞ്ചേരിയിൽ നേരിട്ടപ്പോൾ ഒന്നിനെതിരെ രണ്ടു ഗോളുകൾക്കാണ് ഫിഫാ മഞ്ചേരി ജയിച്ചത്. ആദ്യം ഏറ്റുമുട്ടിയപ്പോൾ ഇരു ടീമുകളും ഒരോ ഗോൾ വീതം അടിച്ച് സമനിലയിൽ പിരിഞ്ഞിരുന്നു. തുടർന്ന് കളി മാറ്റി വെക്കുകയായിരുന്നു.

എടക്കര അഖിലേന്ത്യാ സെവൻസിൽ ശാസ്താ മെഡിക്കൽസ് ജവഹർ മാവൂരിനെ ആവേശ മത്സരത്തിന് ഒടുവിൽ തോൽപ്പിച്ചു. അഞ്ച്‌ ഗോളുകൾ പിറന്ന മത്സരത്തിൽ രണ്ടിനെതിരെ മൂന്നു ഗോളുകൾക്കാണ് ശാസ്താ മെഡിക്കൽസ് ജയിച്ചത്.

ഇരിക്കൂർ അഖിലേന്ത്യാ സെവൻസിൽ ഉദയ അൽ മിൻഹാൽ വളാഞ്ചേരി കെ ആർ എസ് കോഴിക്കോടിനെ വീഴ്ത്തി. രണ്ടിനെതിരെ നാലു ഗോളുകൾക്കാണ് ഇന്നലെ അൽ മിൻഹാൽ വിജയിച്ചത്.

കൂടുതൽ കായിക വാർത്തകൾക്ക് : www.facebook.com/FanportOfficial

എടക്കര അഖിലേന്ത്യാ സെവൻസിൽ സോക്കർ ഷൊർണ്ണൂരിന് ജയം. ഇന്നലെ നടന്ന മത്സരത്തിൽ ഫ്രണ്ട്സ് മമ്പാടിനെ ഒന്നിനെതിരെ രണ്ടു ഗോളുകൾക്കാണ് സോക്കർ ഷൊർണ്ണൂർ തോൽപ്പിച്ചത്‌. ഫ്രണ്ട്സ് മമ്പാടിനെ ഇതിനു മുമ്പ് ഈ സീസണിൽ കൊണ്ടോട്ടിയിൽ വെച്ച് നേരിട്ടപ്പോഴും ഷൊർണ്ണൂർ തോൽപ്പിച്ചിരുന്നു.

ഇരിക്കൂർ അഖിലേന്ത്യാ സെവൻസിൽ സൂപ്പർ സ്റ്റുഡിയോ മലപ്പുറത്തെ പടന്നയുടെ ശക്തികളായ ഷൂട്ടേഴ്സ് പടന്ന മുട്ടുകുത്തിച്ചു. രണ്ട് ഗോളുകൾക്കായിരുന്നു ഷൂട്ടേഴ്സിന്റെ ജയം. ഷൂട്ടേഴ്സിന്റെ തുടർച്ചയായ മൂന്നാം ജയമാണിത്.

എടപ്പാൾ അഖിലേന്ത്യാ സെവൻസിൽ ശാസ്താ മെഡിക്കൽസ് എതിരില്ലാത്ത രണ്ടു ഗോളുകൾക്ക് ടൗൺ ടീം അരീക്കൊടിനെ വീഴ്ത്തി. ശാസ്താ മെഡിക്കൽസിനായി ബംബയും ലിയോയുമാണ് ഇന്ന് ലക്ഷ്യം കണ്ടത്‌. മഞ്ചേരി അഖിലേന്ത്യാ സെവൻസിൽ ഫിറ്റ് വെൽ കോഴിക്കോട് പെനാൾട്ടി ഷൂട്ടൗട്ടിൽ അൽ ശബാബ് തൃപ്പനച്ചിയെ പരാജയപ്പെടുത്തി. നിശ്ചിത സമയത്ത് 1-1 എന്നായിരുന്നു സ്കൊർ.

കൂടുതൽ കായിക വാർത്തകൾക്ക് : www.facebook.com/FanportOfficial

മുസാഫിർ എഫ് സി അൽ മദീന ചെർപ്പുള്ളശ്ശേരിക്ക് സീസണിലെ രണ്ടാം ഫൈനൽ. കുന്നംകുളം അഖിലേന്ത്യാ സെവൻസിലാണ് ഇന്നലെ അൽ മദീന ചെർപ്പുള്ളശ്ശേരി ഫൈനൽ ഉറപ്പിച്ചത്‌. ഇന്നലെ നടന്ന സെമി പോരാട്ടത്തിൽ എഫ് സി തൃക്കരിപ്പൂരിനെയാണ് അൽ മദീന ചെർപ്പുള്ളശ്ശേരി തോൽപ്പിച്ചത്.

എതിരില്ലാത്ത രണ്ട്‌ ഗോളുകൾക്കായിരുന്നു അൽ മദീന ചെർപ്പുള്ളശ്ശേരിയുടെ വിജയം. ഇതിനു മുമ്പ് കൊപ്പം അഖിലേന്ത്യാ സെവൻസിലാണ് അൽ മദീന ചെർപ്പുള്ളശ്ശേരി ഫൈനലിൽ പ്രവേശിച്ചത്. അവിടെ കിരീടം ഉയർത്താൻ മദീനയ്ക്കായിരുന്നില്ല. സീസണിലെ ആദ്യ കിരീടം കുന്നംകുളം അഖിലേന്ത്യാ സെവൻസിൽ ഉയർത്താമെന്നാണ് മദീന പ്രതീക്ഷിക്കുന്നത്‌.

ഫിറ്റ് വെൽ കോഴിക്കോട്, സ്കൈ ബ്ലൂ എടപ്പാൾ, അഭിലാഷ് കുപ്പൂത്ത് എന്നീ ടീമുകളെയും ഫൈനലിലേക്കുള്ള വഴിയിൽ അൽ മദീന ചെർപ്പുള്ളശ്ശേരി പരാജയപ്പെടുത്തിയിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

തുവ്വൂർ അഖിലേന്ത്യാ സെവൻസിൽ ഫിഫാ മഞ്ചേരി പുറത്ത്‌. ഇന്ന് നടന്ന സെമി ഫൈനൽ ലീഗ് മത്സരത്തിൽ ഫിഫാ മഞ്ചേരിയെ തോൽപ്പിച്ച് എ വൈ സി ഉച്ചാരക്കടവാണ് ഫൈനലിലേക്ക് കടന്നത്. ശനിയാഴ്ച നടക്കുന്ന ഫൈനലിൽ എവൈസി ഉച്ചാരക്കടവ് റോയൽ ട്രാവൽസ് എഫ് സിയെ നേരിടും.

ഇന്ന് പെനാൾട്ടി ഷൂട്ടൗട്ടിൽ ആയിരുന്നു എ വൈ സിയുടെ ജയം. നിശ്ചിത സമയത്ത് 2-2 എന്ന സമനിലയിൽ ആയിരുന്നു. ഫിഫാ മഞ്ചേരിക്കായി ഫ്രാൻസിസും ബെർണാഡുമാണ് ഗോൾ നേടിയത്. പക്ഷെ പെനാൾട്ടി ഷൂട്ടൗട്ടിൽ 2 കിക്കുകൾ ഫിഫാ മഞ്ചേരിക്ക് പിഴച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

സ്മാക്ക് മീഡിയ സബാൻ കോട്ടക്കലിന് സീസണിലെ മൂന്നാം ഫൈനൽ. തളിപ്പറമ്പ് അഖിലേന്ത്യാ സെവൻസിൽ ഇന്നലെ നടന്ന സെമിയിൽ ഷൂട്ടേഴ്സ് പടന്നയെ തോൽപ്പിച്ചാണ് സബാൻ കോട്ടക്കൽ ഫൈനൽ ഉറപ്പിച്ചത്. എതിരില്ലാത്ത മൂന്നു ഗോളുകൾക്കാണ് സബാൻ കോട്ടക്കൽ ഇന്നലെ വിജയിച്ചത്.

ബെഞ്ചമിൻ, കെൽവിൻ, മമ്മദ് എന്നിവരാണ് സബാനായി ഇന്നലെ ഗോളുമായി തിളങ്ങിയത്. സബാൻ കോട്ടക്കലിന് ഇത് മൂന്നാം ഫൈനലാണ്. നേരത്തെ കൊപ്പത്ത് കപ്പ് ഉയർത്തുകയും ചെയ്തിരുന്നു സബാൻ കോട്ടക്കൽ.

ലക്കി സോക്കർ ആലുവയാണ് സബാന്റെ ഫൈനലിലെ എതിരാളികൾ. ടോപ്പ് മോസ്റ്റ് തലശ്ശേരിയെ തോൽപ്പിച്ചാണ് ലക്കി സോക്കർ ആലുവ തളിപ്പറമ്പിൽ ഫൈനലിലേക്ക് കടന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial

മുസാഫിർ എഫ് സി അൽ മദീന ചെർപ്പുള്ളശ്ശേരിക്ക് തുടർച്ചയായ രണ്ടാം ദിവസവും പരാജയം. ഇന്നലെ മഞ്ചേരി അഖിലേന്ത്യാ സെവൻസിൽ സ്കൈ ബ്ലൂ എടപ്പാൾ ആണ് അൽ മദീന ചെർപ്പുള്ളശ്ശേരിയെ തോൽപ്പിച്ചത്. ഏക ഗോളിനായിരുന്നു സ്കൈ ബ്ലൂ എടപ്പാളിന്റെ ജയം. സീസണിൽ സ്കൈ ബ്ലൂവിനോട് ഇതിനു മുമ്പ് ഏറ്റുമുട്ടിയപ്പോൾ മദീനയ്ക്കായിരുന്നു ജയം.

കല്പകഞ്ചേരി അഖിലേന്ത്യാ സെവൻസിൽ ലിൻഷാ മെഡിക്കൽസ് മണ്ണാർക്കാട് കെ എഫ് സി കാളികാവിനെ തോൽപ്പിച്ചു. ഒന്നിനെതിരെ രണ്ടു ഗോളുകൾക്കായിരുന്നു ലിൻഷാ മെഡിക്കൽസിന്റെ ജയം. ഇന്ന് കൽപ്പകഞ്ചേരിയിൽ മത്സരമില്ല.

ഇന്നലെ മറ്റു മത്സര ഫലങ്ങൾ;

ഇരിക്കൂർ;

ഹണ്ടേഴ്സ് കൂത്തുപറമ്പ് 1-2 കെ ആർ എസ് കോഴിക്കോട്

എടപ്പാൾ;

ലക്കി സോക്കർ ആലുവ 3-1 ബേസ് പെരുമ്പാവൂർ

എടക്കര;

എ വൈ സി 4-2 ഉഷാ എഫ്

കൂടുതൽ കായിക വാർത്തകൾക്ക് : www.facebook.com/FanportOfficial