മാഹി അഖിലേന്ത്യാ സെവൻസിൽ ഇന്ന് ഒരു ത്രില്ലർ ആണ് നടന്നത്. അഭിലാഷ് കുപ്പൂത്തും സബാൻ കോട്ടക്കലും തമ്മിൽ ഏറ്റുമുട്ടിയ ക്വാർട്ടർ ഫൈനൽ പോരാട്ടത്തിൽ ആകെ പിറന്നത് 9 ഗോളുകൾ ആണ്. അവസാനം നാലിനെതിരെ അഞ്ചു ഗോളുകൾക്ക് അഭിലാഷ് കുപ്പൂത്ത് വിജയം സ്വന്തമാക്കി. അവർ സെമി ഫൈനലിലേക്ക് മുന്നേറുകയും ചെയ്തു.
തുടക്കം മുതൽ ഇന്ന് മാഹിയിൽ ഗോളുകൾ ഒഴുകി. ആദ്യ പകുതിയിൽ അഭിലാഷ് കുപ്പൂത്ത് 4-2ന് മുന്നിൽ ആയിരുന്നു. രണ്ടാം പകുതിയുടെ തുടക്കത്തിൽ കുപ്പൂത്തിന്റെ അഞ്ചാം ഗോൾ വന്നു. 5-2 എന്ന് സ്കോർ. സബാൻ കീഴടങ്ങാൻ തയ്യാറായില്ല. അവർ അവസാനം വരെ പൊരുതി 5-4 എന്ന സ്കോർ വരെ ആക്കി. പക്ഷെ അവസാന സമനില ഗോൾ നേടാൻ സബാനായില്ല.
നാളെ മാഹിയിൽ സൂപ്പർ സ്റ്റുഡിയോ മലപ്പുറവും യൂറോ സ്പോർട്സ് പടന്നയുമാണ് ഏറ്റുമുട്ടുന്നത്. നേരത്തെ എ എഫ് സി വയനാട് മാഹിയിൽ ഫൈനലിൽ എത്തിയിട്ടുണ്ട്.
