കൊയപ്പ സെവൻസ് ടൂർണമെന്റിൽ കെആർഎസ്സി കോഴിക്കോടിനെ ഏകപക്ഷീയമായ ഒരു ഗോളിന് തോൽപ്പിച്ച് ലിൻഷാ മണ്ണാർക്കാട് സെമിയിൽ ഇടംപിടിച്ചു. ഇരുടീമുകളും ശക്തമായ പ്രതിരോധം തീർത്ത് കളിച്ച മത്സരത്തിൽ ആദ്യ ഗോൾ വരാൻ ഏറെ സമയം എടുത്തു. 59-ാം മിനിറ്റിൽ മാക്സ്വെൽ ആണ് ലിൻഷ മണ്ണാർക്കാടിനായുള്ള് വിജയ ഗോൾ നേടിയത്. ഫ്രാങ്ക്ലിൻ ആണ് അസിസ്റ്റ് നൽകിയത്.
ആദ്യ റൗണ്ടുകളിൽ ജവഹർ മാവൂരിനെയും ഉഷ എഫ്സി തൃശ്ശൂരിനെയും ലിൻഷാ മണ്ണാർക്കാട് തോൽപ്പിച്ചിരുന്നു. നാളെ നടക്കുന്ന മറ്റൊരു ക്വാർട്ടർ ഫൈനൽ മത്സരത്തിൽ ടൗൺ ടീം അരീക്കോട് സബാൻ കോട്ടക്കലിനെ നേരിടും.