സെവൻസിന്റെ ലോകകപ്പ് ആയ കൊയപ്പ സെവൻസ് ഇന്ന് മുതൽ!!

Picsart 23 01 22 11 05 02 012

സെവൻസിന്റെ ലോകകപ്പ് എന്ന് വിളിക്കപ്പെടുന്ന കൊടുവള്ളി കൊയപ്പ സെവൻസ് ടൂർണമെന്റിന് ഇന്ന് തുടക്കമാകും. ഇന്ന് നടക്കുന്ന ആദ്യ മത്സരത്തിൽ കെ ആർ എസ് കോഴിക്കോടും റിയൽ എഫ് സി തെന്നലയുൻ തമ്മിലാണ് ഏറ്റുമുട്ടുന്നത്. രണ്ടു വർഷത്തെ ഇടവേളക്ക് ശേഷമാണ് കൊയപ്പ ടൂർണമെന്റ് നടക്കുന്നത്. കഴിഞ്ഞ സീസണുകളൊൽ കൊയപ്പയിൽ കളി നടക്കാതിരുന്നത് സെവൻസ് ഫുട്ബോൾ പ്രേമികളെ സങ്കടത്തിലാക്കിയിരുന്നു.

Picsart 23 01 22 11 03 52 620

ലൈറ്റനിംഗ് ആർട്സ് ആൻഡ് സ്പോർട്സ് ക്ലബ് ആണ് ടൂർണമെന്റ് നടത്തുന്നത്. കൊടുവള്ളി ഫ്ലഡ് ലൈറ്റ് മിനി സ്റ്റേഡിയത്തിലാകും മത്സരങ്ങൾ നടക്കുക. ഇത്തവണ നടക്കുന്നത് മുപ്പത്തി എട്ടാമത് കൊയപ്പ അഖിലേന്ത്യാ സെവൻസ് ആണ്. 2020ൽ നടന്ന അവസാന കൊയപ്പ സെവൻസ് കിരീടം നേടിയത് മെഡിഗാഡ് അരീക്കോട് ആയിരുന്നു. ഫൈനലിൽ റോയൽ ട്രാവൽസ് കോഴിക്കോടിനെ പരാജയപ്പെടുത്തി ആയിരുന്നു മെഡിഗാഡ് കിരീടം നേടിയത്. ഇത്തവണയും പ്രമുഖ സെവൻസ് ടീമുകൾ എല്ലാം ടൂർണമെന്റിന്റെ ഭാഗമാകും.

ഫിക്സ്ചർ; കൊയപ്പ 23 01 22 11 04 11 823