അഖിലേന്ത്യാ സെവൻസിൽ ഫിഫാ മഞ്ചേരിയും മുന്നേറുന്നു. ഇന്ന് പോകുപ്പടി പട്ടാമ്പി അഖിലേന്ത്യാ സെവൻസിൽ ഇറങ്ങിയ ഫിഫാ മഞ്ചേരി മെഡിഗാഡ് അരീക്കോടിനെ ആണ് തോൽപ്പിച്ചത്. എതിരില്ലാത്ത മൂന്ന് ഗോളുകൾക്ക് ഒരു ഏകപക്ഷീയ വിജയമാണ് ഫിഫാ മഞ്ചേരി നേടിയത്. ഫിഫയ്ക്ക് കാര്യമായ വെല്ലുവിളികൾ ഒന്നും ഉയർത്താൻ മെഡിഗാഡ് അരീക്കോടിന് ഇന്ന് ആയില്ല.
ഫിഫാ മഞ്ചേരിയുടെ തുടർച്ചയായ നാലാം വിജയമാണിത്. അവസാന രണ്ടു മത്സരങ്ങളിൽ നിന്നായി ഫിഫ ഒമ്പത് ഗോളുകൾ ആണ് അടിച്ചത്. നാളെ ഫിഫ മഞ്ചേരി പെരുമ്പാവൂരിൽ ആണ് ഇറങ്ങുക. അവിടെ ശക്തരായ സൂപ്പർ സ്റ്റുഡിയോ മലപ്പുറം ആകും ഫിഫയുടെ എതിരാളികൾ.