വൻ സൈനിംഗുകളുമായി ഫിഫാ മഞ്ചേരി

- Advertisement -

സീസണിലെ മോശം തുടക്കത്തെ മറി കടക്കാനുള്ള നീക്കങ്ങളുമായി ഫിഫാ മഞ്ചേരി‌. രണ്ട് വിദേശ താരങ്ങളടക്കം അഞ്ചു താരങ്ങളെയാണ് ഫിഫാ മഞ്ചേരി സ്വന്തമാക്കിയിരിക്കുന്നത്. വിദേശ താരങ്ങളായ ടൈറ്റസ്, എറിക്, കേരളത്തിന്റെ ഹൈദർ, ഉസ്മാൻ, റാഷിദ് എന്നിവരാണ് പുതിയ സൈനിംഗ്.

ടൈറ്റസ് കെ എഫ് സി കാളികാവിനായി കഴിഞ്ഞ സീസൺ മുതൽ മികച്ച പ്രകടനം നടത്തുന്ന താരമാണ്. ഹൈദർ കഴിഞ്ഞ സീസൺ വരെ അൽ മദീന ചെർപ്പുള്ളശ്ശേരിയുടെ ഡിഫൻസിനെ വൻ മതിലായിരുന്നു. ഉസ്മാനാകട്ടെ ഇത് ഫിഫാ മഞ്ചേരി ജേഴ്സിയിലേക്കുള്ള മടങ്ങിവരവ് കൂടിയാണ്.

സീസണിൽ ഇതുവരെയായി ഫിഫാ നടത്തിയ നിറം മങ്ങിയ പ്രകടനങ്ങൾക്ക് ഇതോടെ അവസാനം ഉണ്ടാകുമെന്നാണ് ഫിഫാ ആരാധകർ പ്രതീക്ഷിക്കുന്നത്. സീസൺ ഇത്രയായിട്ടും ഒരു കിരീടം ഉയർത്താൻ വരെ ഫിഫാ മഞ്ചേരിക്ക് ആയിട്ടില്ല‌.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement