കരീബിയൻസ് അഖിലേന്ത്യാ സെവൻസിൽ ലിൻഷ മണ്ണാർക്കാട് ഫൈനലിൽ. ഇന്ന് നടന്ന ആദ്യ സെമി ഫൈനൽ മത്സരത്തിൽ ലിൻഷ മണ്ണാർക്കാട് (SRL SOLAR VPAM SPORTS CLUB) റോയൽ ട്രാവൽസ് കോഴിക്കോടിനെ (YEMBEES FC CHAPPARAPADAVU) ആണ് തോൽപ്പിച്ചത്. ഒന്നിനെതിരെ മൂന്നു ഗോളുകൾക്ക് ആയിരുന്നു വിജയം.
ലിൻഷ മണ്ണാർക്കാടിനായി സുസോ ഇരട്ട ഗോളുകൾ നേടി. 4, 16 മിനുറ്റുകളിൽ ആയിരുന്നു സുസോയുടെ ഗോളുകൾ. 20ആം മിനുറ്റിൽ ജൂനിയറും ലിൻഷക്ക് ആയി ഗോൾ നേടി. 56ആം മിനുറ്റിൽ കാഗ്ബോ മാനെയാണ് റോയൽ ട്രാവൽസിന്റെ ആശ്വാസ ഗോൾ നേടിയത്.
നാളെ നടക്കുന്ന രണ്ടാം സെമി ഫൈനലിൽ അൽ മദീന ചെർപ്പുളശ്ശേരിയും കെ ഡി എസ് കിഴിശ്ശേരിയും ഏറ്റുമുട്ടും.