ചെർപ്പുളശ്ശേരി അഖിലേന്ത്യാ സെവൻസിൽ നിന്ന് ഒരു വലിയ ടീം കൂടെ പുറത്ത്. ഇന്ന് അൽ മദീന ചെർപ്പുളശ്ശേരി ആണ് സെവൻസ് ടൂർണമെന്റിൽ നിന്ന് പുറത്തായത്. പ്രീക്വാർട്ടറിൽ നടന്ന മത്സരത്തിൽ കെ ആർ എസ് കോഴിക്കോട് ആണ് അൽ മദീനയെ തോല്പ്പിച്ചത്. എതിരില്ലാത്ത ഒരു ഗോളിനാണ് കെ ആർ എസ് വിജയിച്ചത്. രണ്ടാം പകുതിയിൽ ആയിരുന്നു വിജയ ഗോൾ വന്നത്.
അൽ മദീന നേരത്തെ ചെർപ്പുളശ്ശേരിയിലെ ആദ്യ റൗണ്ടിൽ ജവഹർ മാവൂരിനെ തോൽപ്പിച്ചിരുന്നു. എന്നാൽ ആ മികവ് ഇന്ന് പുലർത്താനായില്ല. ഫിഫ മഞ്ചേരി പുറത്തായതിനു പിന്നാലെയാണ് അൽ മദീന കൂടെ പുറത്തായത്.