ഒതുക്കുങ്ങൽ അഖിലേന്ത്യാ സെവൻസ് ടൂർണമെന്റിൽ കെ എം ജി മാവൂരിന് മികച്ച വിജയം. ഇന്ന് വമ്പന്മാരായ അൽ മദീന ചെർപ്പുളശ്ശേരിയെ നേരിട്ട കെ എം ജി മാവൂർ പെനാൾട്ടി ഷൂട്ടൗട്ടിൽ ആണ് മദീനയെ തോൽപ്പിച്ചത്. ഇന്ന് കളിയിൽ രണ്ട് തവണ അൽ മദീന ലീഡ് എടുത്തു എങ്കിലും പരാജയം സമ്മതിക്കാൻ കെ എം ജി മാവൂർ ഒരുക്കമായിരുന്നില്ല. കളിയുടെ തുടക്കത്തിൽ മദീന എടുത്ത ലീഡിന് ആദ്യ പകുതിയിൽ തന്നെ മാവൂർ തിരിച്ചടി കൊടുത്തു. എങ്കിലും ആദ്യ പകുതി അവസാനിക്കും മുമ്പ് മദീന 2-1ന് മുന്നിൽ എത്തി.
രണ്ടാം പകുതിയിൽ പൊരുതി കളിച്ച കെ എം ജി മാവൂർ സമനില നേടി. നിശ്ചിത സമയം കഴിഞ്ഞു കളി 2-2 എന്ന് തുടർന്നതോടെ കളി പെനാൾട്ടി ഷൂട്ടൗട്ടിലേക്ക് നീങ്ങി. പെനാൾട്ടി ഷൂട്ടൗട്ടിൽ നാലാം കിക്ക് അൽ മദീനക്ക് പിഴച്ചു. 5-4ന് കെ എം ജി മാവൂർ വിജയം സ്വന്തമാക്കി. നാളെ ഒതുക്കുങ്ങൾ സെവൻസിൽ മത്സരമില്ല.