മാഹി അഖിലേന്ത്യാ സെവൻസിൽ നിന്ന് സെവൻസിലെ സൂപ്പർ ടീമുകളിൽ ഒന്നായ ഫിഫാ മഞ്ചേരി പുറത്ത്. ഇന്ന് നടന്ന മത്സരത്തിൽ എ എഫ് സി വയനാട് ആണ് ഫിഫാ മഞ്ചേരിയെ തോൽപ്പിച്ചത്. ഒന്നിനെതിരെ മൂന്ന് ഗോളുകൾക്ക് ആയിരുന്നു വയനാടിന്റെ വിജയം.
വയനാടിനു വേണ്ടി അബി, അജ്മൽ, സുബിത്ത് എന്നിവരാണ് ഇന്ന് ഗോളുകൾ നേടിയത് ഫിഫാ മഞ്ചേരിക്കു വേണ്ടി സ്റ്റെല്ല ആണ് ആശ്വാസ ഗോൾ നേടിയത്. ഫിഫ മഞ്ചേരി ഇന്നലെ മാഹിയിൽ ഹണ്ടേഴ്സ് കൂത്തുപറമ്പിനെ എതിരില്ലാത്ത 2 ഗോളുകൾക്ക് തോൽപ്പിച്ചിരുന്നു. ആ വിജയം ആവർത്തിക്കാൻ ഫിഫക്ക് ഇന്ന് ആയില്ല.