പണം തന്നെ പ്രശ്നം, കോണ്ടെ ക്ലബ്ബ് വിടാൻ കാരണം വ്യക്തമാക്കി ഇന്റർ പ്രസിഡന്റ്

- Advertisement -

യൂറോപ്യൻ ഫുട്ബോളിനെ ഞെട്ടിച്ച് കൊണ്ടായിരുന്നു സീരി എ കിരീടം നേടിയതിന് പിന്നാലെ പരിശീലകൻ അന്റോണിയോ കോണ്ടെ ഇന്റർ മിലാൻ വിട്ടത്. 11വർഷത്തിന് ശേഷമാണ് ഇറ്റാലിയൻ കിരീടം ഇന്റർ നേടുന്നത്. എന്നാൽ കോണ്ടെ ക്ലബ്ബ് വിടാനുള്ള കാരണം ഇപ്പോൾ വ്യക്തമാക്കിയിരിക്കുകയാണ് ഇന്റർ മിലാൻ പ്രസിഡന്റ് സ്റ്റീവൻ സാങ്ങ്.

കൊറോണ പാൻഡെമിക്കിന് ശേഷം കടുത്ത സാമ്പത്തിക പ്രതിസന്ധിയിലാണ് ഇന്റർ മിലാൻ. കിരീടം നേടിയെങ്കിലും കോസ്റ്റ് കട്ടിംഗിന്റെ ഭാഗമായി പല ഫസ്റ്റ് ഇലവൻ താരങ്ങളെയും വിൽക്കേണ്ടി വരും. ഇതിനോട് യോജിക്കാതെയാണ് അന്റോണിയോ കോണ്ടെ ക്ലബ്ബ് വിട്ടതെന്നും സാങ്ങ് സ്ഥിരികരിച്ചു. കോണ്ടെ ഇന്ററിനെ കിരീടത്തിലേക്ക് നയിക്കും എന്ന് ഉറപ്പുള്ളത് കൊണ്ടാണ് നഷ്ടം സഹിച്ചും ഈ സീസൺ പൂർത്തിയാക്കിയതെന്നും സാങ്ങ് കൂട്ടിച്ചേർത്തു. സ്പാലെറ്റിക്ക് പകരക്കാരനായി 2019 മെയിലാണ് മിലാനിലേക്ക് കോണ്ടെ എത്തുന്നത്. ഇന്ററിൽ 102 മത്സരങ്ങളിൽ നിന്നും 64 ജയങ്ങൾ നേടിയിട്ടുണ്ട് അന്റോണിയോ കൊണ്ടെ.

Advertisement