എഎസ് റോമയിൽ താരം നിക്കോളോ സാനിയോളോയെ സൈൻ ചെയ്യാൻ ആയുള്ള ഔദ്യോഗിക ചർച്ചകൾ തുർക്കിഷ് ക്ലബ് ഗലാറ്റസരെ ആരംഭിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. ലോണിനുപകരം കളിക്കാരനെ സ്ഥിരമായ കൈമാറാനാണ് റോമ ആഗ്രഹിക്കുന്നത്. യൂറോപ്പുൽ ട്രാൻസ്ഫർ വിൻഡോ അടക്കുന്നത് വരെ സനിയോളോക്ക് ഒരു ക്ലബ് കണ്ടെത്താൻ ആയിരുന്നില്ല. ഫെബ്രുവരി 8നാണ് തുർക്കിയിലെ ട്രാൻസ്ഫർ വിൻഡോ അവസാനിക്കുക.
എഎസ് റോമ സനിയോളോ ഇനി ടീമിന്റെ ഭാഗമാകില്ല എന്ന് നേരത്തെ പ്രഖ്യാപിച്ചിരുന്നു. ജനുവരി ട്രാൻസ്ഫർ വിൻഡോയുടെ സമയത്ത് ക്ലബ്ബിനോട് അനാദരവ് കാണിച്ചതിനാൽ സാനിയോലോയെ ടീമിനൊപ്പം പരിശീലിപ്പിക്കാൻ പോലും അനുവദിക്കേണ്ടതില്ലെന്ന് റോമ മാനേജ്മെന്റ് തീരുമാനിച്ചിരുന്നു. ക്ലബ് വിടാൻ ഒരുങ്ങിയ സനിയോളോ ക്ലബിനൊപ്പം പരിശീലനം നടത്താനോ കളിക്കാനോ ജനുവരിയിൽ തയ്യാറായില്ല. മാത്രമല്ല ഇംഗ്ലീഷ് പ്രീമിയർ ലീഗിൽ നിന്ന് വന്ന ഓഫർ ക്ലബ് അംഗീകരിച്ചപ്പോൾ താരം ക്ലബ് വിടാനും കൂട്ടാക്കിയിരുന്നില്ല
