റോമയെ യുവേഫ കോൺഫറൻസ് ലീഗ് കിരീടത്തിലേക്ക് നയിച്ചതിന് പിന്നാലെ അടുത്ത സീസണിലും റോമായിൽ തുടരുമെന്ന് വ്യക്തമാക്കി റോമാ പരിശീലകൻ ജോസ് മൗറീനോ. യൂറോപ്പ കോൺഫറൻസ് ലീഗ് ഫൈനലിൽ ഫെയ്നൂർഡിനെ ഏക ഗോളിന് പരാജയപ്പെടുത്തിയാണ് റോമാ കിരീടം നേടിയത്. തുടർന്ന് മത്സരം ശേഷമാണ് താൻ റോമയിൽ തന്നെ അടുത്ത സീസണിലും തുടരുമെന്ന് മൗറീനോ വ്യക്തമാക്കിയത്.
ഈ വിജയം റോമയുടെയും തന്റെയും ചരിത്രത്തിന്റെ ഭാഗമാണെന്നും മൗറീനോ പറഞ്ഞു. 14 വർഷങ്ങൾക്ക് ശേഷമാണ് റോമാ ഒരു കിരീടം സ്വന്തമാക്കുന്നത്. അടുത്ത സീസണിലും തനിക്ക് റോമയിൽ മാത്രം തുടരാനാണ് ആഗ്രഹമെന്നും മൗറീനോ പറഞ്ഞു. യുവേഫ കോൺഫറൻസ് ലീഗ് കിരീടം മൗറീനോയുടെ അഞ്ചാമത്തെ യൂറോപ്യൻ കിരീടമായിരുന്നു. ജിയോവന്നി ട്രാപട്ടോണിക്ക് ശേഷം അഞ്ച് യൂറോപ്യൻ കിരീടങ്ങൾ നേടുന്ന ആദ്യ പരിശീലകൻ കൂടിയാണ് മൗറീനോ.