ടൂറിൻ ഡാർബിയിൽ യുവന്റസിന് സമനില. സിരീ എയിൽ യുവന്റസും ടൊറീനോയും ഏറ്റുമുട്ടിയപ്പോൾ ഒരു ടീമുകളും ഓരോ ഗോൾ വീതമടിച്ച് പിരിഞ്ഞു. യുവന്റസിന് വേണ്ടി ഡി ലിറ്റ് ഗോളടിച്ചപ്പോൾ ആൻഡ്രിയ ബെലോട്ടിയാണ് ടൊറീനോക്ക് വേണ്ടി സ്കോർ ചെയ്തത്. നിലവിൽ നാലാം സ്ഥാനത്തുള്ള യുവന്റസിന് ഈ മത്സരം നിർണായകമായിരുന്നു.
കളിയുടെ നാലാം മിനുട്ടിൽ തന്നെ ക്വാഡ്രാഡോയുടെ കർളിംഗ് കോർണർ ഗോളാക്കി ഡി ലിറ്റ് യുവന്റസിന്റെ ആധിപത്യം ഊട്ടിയുറപ്പിച്ചു. ആദ്യ പകുതിയിൽ സമനില ഗോൾ നേടാൻ ടൊറീനോ ശ്രമിച്ചെങ്കിലും അല്ലെഗ്രിയുടെ യുവന്റസ് ലീഡ് നിലനിർത്തി. രണ്ടാം പകുതിയിൽ പരിക്കേറ്റ് ഡിബാല പുറത്ത് പോയത് യുവന്റസിന് തിരിച്ചടിയായി. 63ആം മിനുട്ടിലാണ് ബെലോട്ടിയുടെ വോളിയിലൂടെ ടൊറീനൊ സമനില പിടിക്കുന്നത്.
