യുവന്റസിന് ഈ സീസണ് ഇതുവരെ അത്ര നല്ലതല്ല. ഇറ്റാലിയൻ സൂപ്പർ കപ്പ് നേടി എങ്കിലും ലീഗിൽ അവർ ഏറെ പിറകിലാണ്. ഒന്നാമതുള്ള എ സി മിലാനേക്കാൾ 10 പോയിന്റ് പിറകിലാണ് യുവന്റസ് ഉള്ളത്. എങ്കിലും കിരീട പ്രതീക്ഷ ഉണ്ട് എന്നും ഈ സീസണിൽ സീരി എ കിരീടം നേടാൻ ആകുമെന്നും യുവന്റസ് താരം ക്രിസ്റ്റ്യാനോ റൊണാൾഡോ പറയുന്നു. യുവന്റസിൻ ഇപ്പോൾ 33 പോയിന്റും മിലാന് 43 പോയിന്റുമാണ് ഉള്ളത്. ഒരു മത്സരം കുറവാണ് യുവന്റസ് കളിച്ചത്.
സൂപ്പർ കപ്പ് നൽകിയ ആത്മവിശ്വാസമാണ് ലീഗ് കിരീടൻ നേടാൻ കഴിയുമെന്ന് റൊണാൾഡോ പറയാൻ കാരണം. മിലാനും ഇന്ററും ശക്തമായ നിലയിൽ ആണെങ്കിലും അവരെ മറികടക്കാൻ ആകുമെന്ന് യുവന്റസ് ടീമാകെ വിശ്വസിക്കുന്നുണ്ടെന്ന് റൊണാൾഡോ പറഞ്ഞു. അവസാന 9 സീസണിലും ലീഗ് കിരീടം യുവന്റസ് ആയിരുന്നു സ്വന്തമാക്കിയിരുന്നത്.