പോൾ പോഗ്ബയ്ക്ക് വീണ്ടും പരിക്ക്. ഇന്നലെ എമ്പോളൊക്ക് എതിരായ മത്സരത്തിനിടയിലാണ് പോഗ്ബയ്ക്ക് മസിൽ ഇഞ്ച്വറിയേറ്റത്. മത്സരം 2-0 ന് എംപോളി വിജയിച്ചിരുന്നു. ഇന്നലെ രണ്ടാം പകുതിയിൽ സബ്ബായാണ് പോഗ്ബ കളത്തിൽ ഇറങ്ങിയത്. മത്സരത്തിന്റെ അവസാന മിനിറ്റുകളിൽ ആണ് പോഗ്ബക്ക് പരിക്കേറ്റത്. ഫ്രഞ്ചുകാരൻ മത്സര ശേഷം നേരെ ലോക്കർ റൂമിലേക്ക് പോയറ്റ്ജ് പരിക്ക് കാരണമാണ്.
“ഞങ്ങൾക്ക് ഇതുവരെ പരിക്ക് എത്ര വലുതാണെന്ന് അറിയില്ല, അയാൾക്ക് ഒരു വേദന അനുഭവപ്പെട്ടു, അതിനാൽ ടെസ്റ്റുകൾ എന്താണ് പറയുന്നതെന്ന് നോക്കണം” കോച്ച് മാക്സ് അല്ലെഗ്രി സ്കൈ സ്പോർട്ട് ഇറ്റാലിയയോട് പറഞ്ഞു.
കാൽമുട്ടിനേറ്റ പരിക്കിന് ശസ്ത്രക്രിയ നടത്തിയ പോഗ്ബക്ക് കഴിഞ്ഞ സീസൺ പൂർണ്ണമായും നഷ്ടമായിരുന്നു. കഴിഞ്ഞ രണ്ട് വർഷമായി തുടർച്ചയായ പരിക്ക് കാരണം പോഗ്ബയുടെ കരിയർ ശരിയായ ദിശയിലല്ല പോകുന്നത്.