Category: Serie A

സീരി എ സീസണിലെ രണ്ടാം മത്സരത്തിൽ യുവന്റസിന് സമനില. ഇന്ന് സ്വന്തം ഹോം ഗ്രൗണ്ടിൽ ആണ് യുവന്റസിന് വിജയിക്കാൻ ആവാതിരുന്നത്. ബോളോനക്ക് എതിരെ 1-1ന്റെ സമനില കൊണ്ട് യുവന്റസിന് തൃപ്തിപ്പെടേണ്ടി വന്നു. 24ആം മിനുട്ടിൽ ലൂയിസ് ഫെർഗൂസനിലൂടെയാണ് സന്ദർശകർ ലീഡ് എടുത്തത്.

രണ്ടാം പകുതിയുടെ തുടക്കത്തിൽ യുവന്റസ് വ്ലാഹോവിചിലൂടെ സമനില നേടി എങ്കിലും ആ ഗോൾ നിഷേധിക്കപ്പെട്ടു. 80ആം മിനുട്ടിൽ വ്ലാഹോവിച് തന്നെ സമനില ഗോൾ യുവന്റസിന് നേടിക്കൊടുത്തു. വിജയ ഗോളിനായി യുവന്റസ് ശ്രമിച്ചു എങ്കിലും ഫലം ഉണ്ടായില്ല. രണ്ട് മത്സരങ്ങളിൽ നിന്ന് നാലു പോയിന്റ് ആണ് യുവന്റസിന് ഉള്ളത്. ഇന്ന് പോൾ പോഗ്ബ യുവന്റസിനായി രണ്ടാം പകുതിയിൽ ഇറങ്ങി അര മണിക്കൂറോളം കളിച്ചു.

മിലാൻ അവരുടെ പുതിയ മൂന്നാം കിറ്റ് പുറത്തിറക്കി. സീരി എ മുൻ ചാമ്പ്യന്മാർ വ്യാഴാഴ്ച രാവിലെ അവരുടെ ഔദ്യോഗിക വെബ്‌സൈറ്റിലും സോഷ്യൽ മീഡിയ അക്കൗണ്ടുകളിലും തങ്ങളുടെ പുതിയ മൂന്നാം കിറ്റിന്റെ ചിത്രങ്ങൾ പങ്കുവെച്ചു. എല്ലാവരെയും ഉൾക്കൊള്ളുക എന്ന സന്ദേശവുമായാണ് മിലാൻ ജേഴ്സി ഡിസൈൻ ചെയ്തിരിക്കുന്നത്‌.

പുതിയ മൂന്നാമത്തെ കിറ്റ് സെപ്റ്റംബർ 24-ന് വാരാന്ത്യത്തിൽ സാൻ സിറോയിൽ വെച്ച് മിലാനും ഹെല്ലസ് വെറോണയും തമ്മിലുള്ള സീരി എ പോരാട്ടത്തിൽ ആകും ആദ്യമായി കാണാൻ ആവുക. 2023-24 കാമ്പെയ്‌നിലെ മിലാന്റെ രണ്ടാമത്തെ ഹോം ഗെയിമാകും ഇത്.

യുവന്റസ് സെന്റർ ബാക്കായ ഗ്ലീസൺ ബ്രെമർ താൻ യുവന്റസിൽ തന്നെ തുടരും എന്ന് അറിയിച്ചു. പ്രീമിയർ ലീഗിൽ നിന്ന് തനിക്ക് ഓഫറുകൾ ഉണ്ട്. എന്നാൽ താൻ എങ്ങോട്ടും പോകില്ല‌. യുവന്റസിൽ തുടരാനാണ് തനിക്ക് ഇഷ്ടം. ഇറ്റലിയിലെ ഏറ്റവും മികച്ച ക്ലബിലാണ് താൻ ഉള്ളത്. ബ്രെമർ പറഞ്ഞു.

കഴിഞ്ഞ സീസണിൽ 40 മില്യൺ യൂറോയോളം ട്രാൻസ്ഫർ തുക ആയി ടൊറിനോക്ക് നൽകി ആയിരുന്നു യുവന്റസ് താരത്തെ ടീമിലേക്ക് എത്തിച്ചത്‌. പ്രീമിയർ ലീഗിലെ പ്രധാന ക്ലബുകൾ തന്നെ ഇപ്പോൾ താരത്തിനായി രംഗത്ത് ഉണ്ട് എന്ന് വാർത്തകൾ വരികെയാണ് ബ്രമർ പ്രസ്താവനയുമായി എത്തിയത്.

സീരി എയിൽ നിലവിലെ ഏറ്റവും മികച്ച പ്രതിരോധ താരങ്ങളിൽ ഒരാളായാണ് ബ്രസീലിയൻ താരത്തെ ഫുട്ബോൾ നിരീക്ഷകർ വിലയിരുത്തുന്നത്. 2018ലാണ് ബ്രസീലിൽ നിന്നും ടോറിനോയിലേക്ക് ബ്രെമർ എത്തിയത്. മൂന്ന് സീസണുകളിൽ ടൊറീനോ ടീമിലെ സ്ഥിരം സാന്നിധ്യം ആയിരുന്നു. 26കാരനായ താരത്തിന് ഇനിയും നാലു വർഷത്തെ കരാർ യുവന്റസിൽ ബാക്കിയുണ്ട്.

പ്രതിരോധ താരം സ്റ്റീഫൻ ഡി വ്രിയ് ഇനിർ മിലാനിൽ പുതിയ കരാർ ഒപ്പിട്ടു. ഇതോടെ 2025 വരെ താരം ക്ലബിൽ തുടരും. വരുമാനത്തിൽ കാര്യമായ വ്യത്യാസം ഇല്ല. നിലവിൽ 4 മില്യൺ യൂറോ ആണ് ഡി വ്രിയിന്റെ സാലറി. ഇതോടെ സിമിയിണിയുടെ ഭാവി പദ്ധതികളിലും 31കാരന് സ്ഥാനം ഉണ്ടാവും എന്നുറപ്പായിരിക്കുകയാണ്. താരത്തിന്റെ പ്രതിരോധത്തിൽ ദൃഢതയും അനുഭവസമ്പത്തും ടാക്ടികൽ ഇന്റലിജൻസും കൂടാതെ ഗോൾ നേടാനുള്ള കഴിവും ടീമിന് കഴിഞ്ഞ അഞ്ചു വർഷം കരുത്തു പകർന്നതായി ഇന്റർ മിലാൻ ഔദ്യോഗിക വെബ് സൈറ്റിൽ കുറിച്ചു.

ലാസിയോയിൽ നിന്നും എത്തിയ ഉടൻ തന്നെ ഇന്ററിന്റെ പ്രതിരോധത്തിലെ നിർണായക താരമായി ഉയർന്നു. കഴിഞ്ഞ സീസണിൽ ലീഗിൽ സിമിയോണി തുടർച്ചയായി അവസരങ്ങൾ നൽകിയെങ്കിലും ചാമ്പ്യൻസ് ലീഗിൽ അവസരങ്ങൾ കുറവായിരിക്കുന്നു. ഫൈനൽ വരെ എത്തിയ സീസണിൽ ആകെ 3 മത്സരങ്ങളിൽ മാത്രമാണ് ആദ്യ ഇലവനിൽ എത്തിയത്. ബാസ്ത്തോണിയുമായും അടുത്തിടെ പുതിയ കരാർ ഒപ്പിട്ട ഇന്റർ, ലോണിൽ എത്തിച്ചിരുന്ന അസെർബിയേയും സ്വന്തമാക്കിയിരുന്നു. ഇതോടെ നിലവിലെ പ്രതിരോധത്തിൽ കാര്യമായ മാറ്റങ്ങൾ ഉണ്ടാവില്ല എന്നുറപ്പാണ്. സ്ക്രിനിയറെ നഷ്ടമായത് അത് കൊണ്ട് തന്നെ ടീമിനെ വലിയ രീതിയിൽ ബാധിച്ചേക്കില്ല. കൂടാതെ ഒനാന ഒഴിയുന്ന സ്ഥാനത്തേക്ക് മറ്റൊരു ലോകോത്തര കീപ്പറേ കൂടി ടീം ഉന്നമിടുന്നുണ്ട്.