Category: Serie A

ടുറിൻ ഡർബിയിൽ എതിരില്ലാത്ത രണ്ടു ഗോളുകൾക്ക് വിജയം കണ്ടെത്തി യുവന്റസ്. മിലിക്, ഗാട്ടി എന്നിവരുടെ ഗോളാണ് ഇന്ന് നടന്ന മത്സരത്തിൽ ടോറിനോയെ കീഴടക്കാൻ യുവന്റസിനെ സഹായിച്ചത്. രണ്ടാം പകുതിയിൽ ആണ് ഇരു ഗോളുകളും പിറന്നത്. ഇതോടെ പോയിന്റ് പട്ടികയിൽ മൂന്നാം സ്ഥാനത്ത് എത്താൻ യുവന്റസിനായി. കഴിഞ്ഞ മത്സരത്തിൽ അറ്റലാന്റയോട് സമനില വഴങ്ങേണ്ടി വന്നിരുന്നു അല്ലേഗ്രിക്കും സംഘത്തിനും. ടോറിനോ പന്ത്രണ്ടാമതാണ്.

അഞ്ചാം മിനിറ്റിൽ തന്നെ തിമോതി വേയ് എതിർ വലയിൽ പന്തെത്തിച്ചെങ്കിലും ഓഫ്സൈഡ് വിധിക്കപ്പെട്ടതോടെ യുവന്റസിന്റെ ആഹ്ലാദം അവസാനിച്ചു. ലസാരോയുടെ ഷോട്ട് പോസ്റ്റിന് മുകളിലൂടെ കടന്ന് പോയി. ഫ്രീകിക്കിൽ നിന്നും ബ്രെമറിന്റെ ഹെഡറും ലക്ഷ്യം കണ്ടില്ല. ബെല്ലനോവായിലൂടെ ടോറിനൊക്ക് ലഭിച്ച അവസരവും മുതലെടുക്കാൻ ആയില്ല.

രണ്ടാം പകുതിയുടെ തുടക്കം മുതൽ യുവന്റസ് ആദ്യ പകുതിയിലെ പിഴവുകൾ പരിഹരിച്ചു. 47ആം മിനിറ്റിൽ അവർ ലീഡ് എടുത്തു. കോർണറിൽ നിന്നെത്തിയ പന്ത് ബോക്സിനുള്ളിൽ കൂട്ടപ്പേരിച്ചിൽ സൃഷ്ടിച്ചപ്പോൾ ഒടുവിൽ ഫെഡറിക്കോ ഗാട്ടി ഗോൾ വല കുലുക്കി. ഇത്തവണയും ഓഫ്സൈഡ് കൊടി ഉയർന്നെങ്കിലും നീണ്ട വാർ പരിശോധനക്ക് ശേഷം ഒടുവിൽ ഗോൾ അനുവദിക്കുക തന്നെ ചെയ്തു. 62ആം മിനിറ്റിൽ യുവന്റസ് ലീഡ് ഇരട്ടിയാക്കി. കോർണറിൽ നിന്നാണ് ഗോൾ വന്നത് കോസ്റ്റിച്ചിന്റെ തകർപ്പൻ ക്രോസിൽ മിലിക്ക് ഹെഡർ ഉതിർത്തപ്പോൾ കീപ്പർ തട്ടിയകറ്റുകയായിരുന്നു. എന്നാൽ കോസ്റ്റിച്ച് തന്നെ എടുത്ത കോർണറിൽ മിലിക്കിന് പിഴച്ചില്ല. താരത്തിന്റെ ഹെഡർ വലയിൽ പതിച്ചു. സപാറ്റയുടെ ശ്രമം ഷെസ്നി കൈപ്പിടിയിൽ ഒതുക്കി. സെനാബ്രിയയുടെ ആക്രോബാറ്റിക്ക് ശ്രമം പോസ്റ്റിലിരുമി കടന്ന് പോയി.

ഇറ്റാലിയൻ ലീഗിൽ ഇന്ന് നടന്ന മത്സരത്തിൽ യുവന്റസിനെതിരെ സമനില നേടി അറ്റലാന്റ. ഗോൾ രഹിതമായി മാറിയ മത്സരത്തിൽ അവസാന അറ്റലാന്റയുടെ സമ്മർദ്ദങ്ങളെയും മറികടന്ന് ഒരു പോയിന്റുമായി യുവന്റസ് കടന്ന് കൂടുകയായിരുന്നു. ഇതോടെ പോയിന്റ് പട്ടികയിൽ നാലാം സ്ഥാനത്താണ് യുവന്റസ്. ജയം അവരെ മൂന്നാം സ്ഥാനത്തേക്ക് തിരിച്ചെത്താൻ സഹായിക്കുമായിരുന്നു. അറ്റലാന്റ അഞ്ചാം സ്ഥാനത്താണ്.

മത്സരത്തിൽ വളരെ കുറഞ്ഞ അവസരങ്ങൾ മാത്രമേ ടീമുകൾക് സൃഷ്ടിച്ചുള്ളൂ. അറ്റലാന്റയുടെ പതിനഞ്ചോളം ശ്രമങ്ങളിൽ രണ്ടെണ്ണം മാത്രം ലക്ഷ്യത്തിന് നേരെ ആയിരുന്നു. പോസെഷനലും ടീമുകൾക് തുല്യത പാലിച്ചു. സപ്പാകോസ്റ്റയുടെ ഷോട്ടിൽ നിന്നും അറ്റലാന്റ ആണ് ആദ്യപകുതിയിലെ മികച്ച ശ്രമം നടത്തിയത്. എന്നാൽ താരത്തിന് ഗോൾ കണ്ടെത്താൻ ആയില്ല. രണ്ടാം പകുതിയിലും കാര്യങ്ങൾ മാറിയില്ല. കീപ്പർമാരെ പരീക്ഷിക്കാൻ ടീമുകൾ മടിച്ചു. 75ആം മിനിറ്റിൽ മുരിയെലിന്റെ തകർപ്പൻ ഒരു ഫ്രീകിക്ക് ഷെസ്നി വമ്പൻ സേവിലൂടെ തട്ടിയകറ്റിയത് യുവന്റസിന് ആശ്വാസമായി. മത്സരത്തിലെ ഏറ്റവും മികച്ച അവസരങ്ങളിൽ ഒന്നായിരുന്നു ഇത്. പിന്നീട് മുഴുവൻ സമയത്തിനു തെറ്റു മുൻപ് മുരിയെലിന്റെ മറ്റൊരു ഷോട്ട് ഷെസ്നി തടുത്തിട്ടത്തിൽ കൂപ്പ്മെയ്നെഴ്‌സ് വീണ്ടും നിറയൊഴിച്ചെങ്കിലും പന്ത് പോസിറ്റിന് മുകളിലൂടെ കടന്ന് പോയി. ഇഞ്ചുറി സമയത്ത് താരത്തിന്റെ മറ്റൊരു ഷോട്ടും പോസ്റ്റിന് മുകളിലൂടെ കടന്ന് പോയി. അവസാന നിമിഷങ്ങളിൽ ഗോൾ വഴങ്ങാതെ രക്ഷപ്പെട്ടത് യുവന്റസിന് വിലപ്പെട്ട ഒരു പോയിന്റ് സമ്മാനിച്ചു. വ്ലാഹോവിച്ച് ടീമിൽ ഇല്ലാതിരുന്നതും അവർക്ക് മുന്നെറ്റത്തിൽ തിരിച്ചടി ആയി.

ഇറ്റാലിയൻ സീരി എയിൽ തുടർച്ചയായ അഞ്ചാം മത്സരത്തിലും ജയം കണ്ടു ഇന്റർ മിലാൻ. എംമ്പോളിയെ അവരുടെ മൈതാനത്ത് എതിരില്ലാത്ത ഒരു ഗോളിന് ആണ് അവർ മറികടന്നത്. മത്സരത്തിൽ പന്ത് നന്നായി കൈവശം വെച്ച ഇന്റർ മിലാൻ ഫെഡറിക്കോ ഡിമാർകോയുടെ ഗോളിൽ ആണ് ജയം കണ്ടത്.

രണ്ടാം പകുതിയിൽ 51 മത്തെ മിനിറ്റിൽ ബോക്സിനു പുറത്ത് നിന്ന് മനോഹരമായ ഒരു വോളിയിലൂടെയാണ് ഡിമാർകോ ഇന്ററിന് ജയം സമ്മാനിച്ചത്. കളിച്ച 5 കളിയും ജയിച്ചു ഇന്റർ ഒന്നാമത് നിൽക്കുമ്പോൾ കളിച്ച അഞ്ചു കളിയിലും ഒരു ഗോൾ പോലും നേടാതെ തോറ്റ എംമ്പോളി അവസാന സ്ഥാനത്ത് ആണ്.

ഇറ്റാലിയൻ സീരി എയിൽ സീസണിലെ ആദ്യ പരാജയം ഏറ്റുവാങ്ങി യുവന്റസ്. സസുവോളക്ക് എതിരെ രണ്ടിനെതിരെ നാലു ഗോളുകൾക്ക് ആണ് യുവന്റസ് പരാജയം ഏറ്റുവാങ്ങിയത്. അവസരങ്ങൾ ഉണ്ടാക്കുന്നതിൽ ഇരു ടീമുകളും ഒന്നിച്ചു നിന്ന മത്സരത്തിൽ പന്ത്രണ്ടാം മിനിറ്റിൽ ലോറിയെന്റെയുടെ ഗോളിൽ സസുവോള ആണ് ആദ്യം മുന്നിൽ എത്തിയത്. 21 മത്തെ മിനിറ്റിൽ വിനയുടെ സെൽഫ് ഗോളിൽ യുവന്റസ് ഒപ്പമെത്തി. 41 മത്തെ മിനിറ്റിൽ ഡൊമെനിക്കോ ബെറാർഡിയുടെ മികച്ച ഗോളിലൂടെ സസുവോള വീണ്ടും മുന്നിലെത്തി.

78 മത്തെ മിനിറ്റിൽ സമനിലക്ക് ആയുള്ള യുവന്റസിന്റെ ശ്രമം ഫലം കണ്ടു. ചിയേസ അവർക്ക് ആയി സമനില നേടി. എന്നാൽ നാലു മിനിറ്റിനുള്ളിൽ ആന്ദ്രയെ പിനമോണ്ടിയിലൂടെ സസുവോള തങ്ങളുടെ മുൻതൂക്കം തിരിച്ചു പിടിച്ചു. മത്സരത്തിൽ സമനില നേടാനുള്ള യുവന്റസ് ശ്രമങ്ങൾക്ക് ഇടയിൽ 95 മത്തെ മിനിറ്റിൽ പിറന്ന വിചിത്ര ഗോളിൽ സസുവോള ജയം ഉറപ്പിക്കുക ആയിരുന്നു. പോസ്റ്റിൽ ഇല്ലാതിരുന്ന ഗോൾ കീപ്പർ ചെസ്നിക്ക് ആയി ഫെഡറിക്കോ ഗട്ടി നൽകിയ പന്ത് ഗോളായി മാറുക ആയിരുന്നു. നിലവിൽ ലീഗിൽ യുവന്റസ് നാലാമതും സസുവോള പതിനൊന്നാം സ്ഥാനത്തും ആണ്.

തുടർച്ചയായ മൂന്നാം ലീഗ് മത്സരത്തിലും വല കുലുക്കിയ റഫയേൽ ലിയാവോയുടെ മികവിൽ സീരി എയിൽ വേറൊണയെ കീഴടക്കി വിജയ വഴിയിൽ തിരിച്ചെത്തി എസി മിലാൻ. ഇതോടെ ഒന്നാം സ്ഥാനത്തുള്ള ഇന്ററുമായി പോയിന്റ് നിലയിൽ ഒപ്പത്തിനൊപ്പം എത്താനും അവർക്കായി. ഇന്ററിന്റെ ഈ വാരത്തിലെ മത്സരം എംപൊളിയുമായിട്ടാണ്. മൂന്ന് പോയിന്റ് കരസ്ഥമാക്കാൻ സാധിച്ചെങ്കിലും മുന്നേറ്റം തുടർച്ചായി ഗോൾ കണ്ടെത്താൻ വിഷമിച്ചത് മിലാന് ആശങ്ക ഉണർത്തുന്നത് തന്നെയാണ്. എങ്കിലും അവസാന ലീഗ് മത്സരത്തിൽ ഇന്ററിനോട് കനത്ത തോൽവി നേരിട്ട ടീമിന് വിജയം കണ്ടെത്താൻ ആയി.

റഫയേൽ ലിയാവോക്കും ജിറൂഡിനും ഒപ്പം പുലിസിച്ചിനേയും അണിനിരത്തിയാണ് മിലാൻ കളത്തിൽ ഇറങ്ങിയത്. ന്യൂകാസിലിനെതിരായ മത്സത്തിലെ പ്രകടനത്തിൽ നിന്നും ലിയാവോക്ക് ഗോളുമായി തന്നെ തിരിച്ചു വരാൻ സാധിച്ചത് നിർണായകമായി. കൗണ്ടർ അറ്റാക്ക് നീക്കങ്ങൾക്ക് മിലാന് അവസരം ലഭിച്ചെങ്കിലും പലപ്പോഴും എതിർ ബോക്സിൽ വെച്ചു എല്ലാം അവസാനിച്ചു. ഇരു ടീമുകളും ഒരേയൊരു ഷോട്ട് മാത്രമാണ് ആദ്യ പകുതിയിൽ ലക്ഷ്യത്തിലേക്ക് തൊടുത്തത്. എട്ടാം മിനിറ്റിൽ തന്നെ ലിയാവോ ലക്ഷ്യം കണ്ടു. എതിർ പകുതിയുടെ മധ്യത്തിൽ നിന്നായി ജിറൂഡ് റാഞ്ചിയെടുത്ത ബോൾ ലിയാവോക്ക് കൈമാറുകയായിരുന്നു. വേറൊണ പ്രതിരോധ താരങ്ങളെ അനായാസം വേഗം കൊണ്ട് കീഴടക്കി ബോസ്‌കിലേക്ക് കുതിച്ച താരം കീപ്പറേയും കീഴടക്കി ലക്ഷ്യം കണ്ടു. എട്ടാം മിനിറ്റിലാണ് ഗോൾ പിറന്നത്. പിന്നീട് ഫോളോരുൻഷോയുടെ തകർപ്പൻ ഹെഡറിലൂടെ ആയിരുന്നു വേറൊണയുടെ ഗോൾ നീക്കം. എന്നാൽ പോസ്റ്റിന് തൊട്ടു മുൻപിൽ നിന്നുള്ള ശ്രമം തട്ടിയകറ്റി കീപ്പർ സ്‌പോർട്ടില്ലോ മിലാന്റെ രക്ഷകനായി.

രണ്ടാം പകുതിയിൽ വേറൊണ കൂടുതൽ മികച്ച നീക്കങ്ങൾ നടത്തി എങ്കിലും സമനില ഗോൾ കണ്ടെത്താൻ ആയില്ല. ബോന്നസോലിയുടെ ശ്രമം കീപ്പർ തടഞ്ഞു. പുലിസിച്ചിന്റെ ശ്രമം വെറോണ കീപ്പറും സേവ് ചെയ്തു. കൗണ്ടർ നീക്കങ്ങളിൽ മിലാൻ അപകടകാരി ആയെങ്കിലും ഫിനിഷിങ്ങിൽ പിഴച്ചു. സ്പോർടില്ലോയുടെ പാസ് സ്വീകരിച്ച് എതിർ ബോക്സിലേക്ക് കുതിച്ച് യൂനുസ് മൂസ തൊടുത്ത ഷോട്ട് പക്ഷെ കീപ്പർ തട്ടിയകറ്റി. റീബൗണ്ടിൽ ഓകഫോറിനും ലക്ഷ്യം കാണാൻ ആയില്ല. യോവിക്കിലൂടെയും മിലാന് അവസരം ലഭിച്ചെങ്കിലും ലീഡ് ഉയർത്താൻ മാത്രം ആയില്ല.