സീരി എയിൽ ഇന്റർ മിലാൻ കിരീടത്തോടെ അടുക്കുന്നു. ഇന്ന് ഇന്റർ ബൊളോണയെ കൂടെ പരാജയപ്പെടുത്തിയതോടെ അവരുടെ ഒന്നാം സ്ഥാനത്തെ ലീഡ് 18 പോയിന്റ് ആയി ഉയർന്നു. ബൊളോനയെ എതിരില്ലാത്ത ഒരു ഗോളിന് ആണ് ഇന്റർ മിലാൻ പരാജയപ്പെടുത്തിയത്.
പതിവ് മാറി ഗോൾ കണ്ടെത്താൻ കഴിയാത്ത ഇന്റർ മിലാൻ കഷ്ടപ്പെട്ട മത്സരത്തിൽ യാൻ ബിസെകിന്റെ ഗോളാണ് ഇന്ററിനെ രക്ഷിച്ചത്. 37ആം മിനുട്ടിൽ ആയിരുന്നു ഈ ഗോൾ പിറന്നത്. ഈ വിജയത്തോടെ ഇന്റർ മിലാന് 28 മത്സരങ്ങളിൽ നിന്ന് 75 പോയിന്റ് ആയി. രണ്ടാമതുള്ള യുവന്റസിന് 27 മത്സരങ്ങളിൽ നിന്ന് 57 പോയിന്റ് മാത്രമെ ഉള്ളൂ. ഇനി ശേഷിക്കുന്ന 10 മത്സരങ്ങളിൽ 5 എണ്ണം വിജയിച്ചാൽ തന്നെ ഇന്റർ മിലാന് കിരീടം ഉറപ്പാകും.
