ഇറ്റാലിയൻ സീരി എയിൽ പുതിയ പരിശീലകൻ റൂയി ഗാർഷിയക്ക് കീഴിയിൽ നാപോളിയുടെ മോശം ഫോം തുടരുന്നു. കഴിഞ്ഞ മൂന്നു മത്സരങ്ങളിൽ ജയിക്കാൻ ആവാത്ത അവർ ഇന്ന് ബൊളോഗ്നക്ക് എതിരെ ഗോൾ രഹിത സമനില വഴങ്ങുക ആയിരുന്നു. മത്സരത്തിൽ നിരവധി അവസരങ്ങൾ ആണ് നാപോളി തുറന്നത്. ഒസിമെന്റെ ഒരു ഷോട്ട് പോസ്റ്റിൽ ഇടിച്ചു മടങ്ങിയപ്പോൾ കവ തനിക്ക് ലഭിച്ച ഓപ്പൺ നെറ്റ് ചാൻസ് പാഴാക്കി.
രണ്ടാം പകുതിയിൽ 72 മത്തെ മിനിറ്റിൽ ഹാന്റ് ബോളിന് ലഭിച്ച പെനാൽട്ടി ഗോളാക്കി മാറ്റാൻ സൂപ്പർ താരം വിക്ടർ ഒസിമെനു ആയില്ല. ഒസിമെൻ പെനാൽട്ടി പുറത്തേക്ക് അടിച്ചു കളയുക ആയിരുന്നു. 86 മത്തെ മിനിറ്റിൽ തന്നെ പിൻവലിച്ച പരിശീലകന്റെ തീരുമാനത്തെ പരസ്യമായി ചോദ്യം ചെയ്തു തന്റെ അസംതൃപ്തി പ്രകടിപ്പിക്കുന്ന ഒസിമെനെയും മത്സരത്തിൽ കണ്ടു. 5 കളികളിൽ നിന്നു 8 പോയിന്റുകളും ആയി ഏഴാം സ്ഥാനത്ത് ആണ് ചാമ്പ്യന്മാർ ആയ നാപോളി ഇപ്പോൾ.