ഇറ്റാലിയൻ ഇതിഹാസ താരവും എസി മിലാൻ ടെക്ക്നിക്കൽ ഡയറക്ടറുമായ പൗലോ മാൽദിനിക്കും മകൻ ഡാനിയലിനും കൊറോണ സ്ഥിരീകരിച്ചു. കഴിഞ്ഞ രണ്ടാഴ്ച്ചക്കാലമായി ഐസൊലേഷനിലായിരുന്നു ഇരുവരും. എസി മിലാൻ സമൂഹ മാധ്യമങ്ങളിലൂടെയാണ് ഈ വാർത്ത സ്ഥിരീകരിച്ചത്.
മാൽദിനി കുടുംബത്തിൽ നിന്നും മിലാൻ ജേഴ്സിയണിയുന്ന മൂന്നാം തലമുറയിലെ അംഗമാണ് ഡാനിയൽ. മിലാന്റെ അണ്ടർ 19 ടീമിൽ വിങ്ങറായ ഡാനിയൽ മാൽദിനി ഈ സീസണിൽ ഫസ്റ്റ് ടീം അരങ്ങേറ്റവും നടത്തിയിരുന്നു. ഇനി ക്ലിനിക്കലി റിക്കവർ ചെയ്യുന്നത് വരെ ഇരുവരും ക്വാറന്റിനിലായിരിക്കും. മിലാനിൽ നിന്നും ആദ്യമായി കൊറോണ പൊസിറ്റീവാകുന്നത് മാൽദിനിക്കാണ്. മറ്റൊരു ഇറ്റാലിയൻ ക്ലബ്ബായ യുവന്റസിൽ നിന്നും താരങ്ങളായ രുഗാനി, മറ്റൗടി, ഡിബല എന്നിവർ കൊറോണ പൊസിറ്റീവായിരുന്നു.
