ഇറ്റാലിയൻ ഇന്റർനാഷണൽ മാനുവൽ ലോകട്ടെല്ലി യുവന്റസിലേക്ക് കൂടുതൽ അടുക്കുന്നു. ലോകട്ടെല്ലിയുടെ ക്ലബായ സസൂളോയും യുവന്റസും തമ്മിൽ അടുത്ത ദിവസം തന്നെ ചർച്ചകൾ നടത്തുമെന്ന് സസൂളോ ചീഫ് എക്സിക്യൂട്ടീവ് ജോവാനീ കാർണിവലി പറഞ്ഞു. കഴിഞ്ഞ മൂന്ന് വർഷമായി സസൂളോയുടെ താരമാണ് ലോകട്ടെല്ലി.
നേരത്തെ ആഴ്സണലും മറ്റൊരു ഇംഗ്ലീഷ് പ്രീമിയർ ലീഗ് ക്ലബും ലോകട്ടെല്ലിയെ സ്വന്തമാക്കാൻ രംഗത്ത് വന്നിരുന്നു എന്നും സസൂളോ ചീഫ് എക്സിക്യൂട്ടീവ് പറഞ്ഞു. എന്നാൽ താരത്തിന് സെരി എയിൽ തന്നെ തുടരാനാണ് താൽപര്യമെന്നും കൂട്ടിച്ചേർത്തു. ഈ കഴിഞ്ഞ യൂറോ കപ്പിൽ ഇറ്റലിക്ക് വേണ്ടി 2 ഗോളുകൾ ലോകട്ടെല്ലി നേടിയിട്ടുണ്ട്.