നോർത്തേൺ സ്റ്റാൻഡിൽ സ്ത്രീകൾ പാടില്ല, വിവാദക്കൊടുങ്കാറ്റഴിച്ച് വിട്ട് ലാസിയോ അൾട്രകൾ

വീണ്ടും വിവാദത്തിൽ പെട്ടിരിക്കുകയാണ് ഇറ്റാലിയൻ ക്ലബായ ലാസിയോ. ഇത്തവണയും ക്ലബ്ബിനെ വെട്ടിലാക്കിയിരിക്കുന്നത് ആരാധകർ തന്നെയാണ്. നോർത്തേൺ സ്റ്റാൻഡിൽ ( Curva Nord) സ്ത്രീകൾ പാടില്ല എന്ന ഫ്ളൈയ്യേറുകളാണ്‌ ലാസിയോ അൾട്രകൾ വിതരണം ചെയ്തത്. നാപോളിക്കെതിരായ മത്സരത്തിന് മുന്നോടിയായാണ് അൾട്രകൾ കാണികൾക്ക് ഇത് എത്തിച്ചത്. മത്സരത്തിൽ ലാസിയോ പരാജയപ്പെട്ടെങ്കിലും അൾട്രകളുടെ ഈ പ്രവർത്തി വിവാദക്കൊടുങ്കാറ്റഴിച്ച് വിട്ടിരിക്കുകയാണ്.

അൾട്രകളുടെ ഈ പ്രവർത്തിക്കെതിരെ ലാസിയോ ആരാധകർ തന്നെ രംഗത്തെത്തി . അൾട്രകളുടെ ഈ പ്രഖ്യാപനം ലാസിയോ തള്ളിക്കളയുകയും ചെയ്തു. ഇതാദ്യമായല്ല ലാസിയോ വിവാദത്തിലാകുന്നത്. ക്ലബ്ബിന്റെ ആരാധകരുടെ ആന്റി സെമിറ്റിക്ക് നിലപാടുകൾ ഒട്ടേറെ തവണ പിഴയേറ്റുവാങ്ങിയിട്ടുണ്ട്. ഒളിമ്പിക്കോയിൽ റോമയുടെ ജേഴ്സിയണിഞ്ഞ ആൻ ഫ്രാങ്കിന്റെ ചിത്രങ്ങൾ ലോക വ്യാപകമായ എതിർപ്പ് നേരിട്ടു. ഇറ്റാലിയൻ ഫുട്ബോൾ ഫെഡറേഷൻ ക്ലബിന് കനത്ത പിഴയാണ് അന്ന് വിധിച്ചത്.