റൊണാൾഡോയ്ക്ക് നമ്പർ 7 വിട്ട് കൊടുത്ത് കൊളംബിയൻ താരം

- Advertisement -

യുവന്റസിൽ റൊണാൾഡോ എത്തിയപ്പോൾ എന്തായാലും ജേഴ്സി നമ്പർ 7 തന്നെ അണിയും എന്ന് ഉറപ്പായിരുന്നു. CR7 എന്നറിയപ്പെടുന്ന റൊണാൾഡോ ഇതിന് മുമ്പ് റയൽ മാഡ്രിഡിലും മാഞ്ചസ്റ്റർ യുണൈറ്റഡിലും ഏഴാം നമ്പറായിരുന്നു ധരിച്ചത്. യുവന്റസിൽ റൊണാൾഡോ ജേഴ്സി നമ്പറായ ഏഴ് എടുത്തപ്പോൾ നഷ്ടം യുവന്റസിന്റെ കൊളംബിയൻ വിങ്ങറായ കൊഡ്രാഡോയ്ക്കാണ്. ഇതിന് മുമ്പ് കൊഡ്രാഡോ ആയിരുന്നു യുവന്റസിൽ ഏഴാം നമൊഅർ ധരിച്ചിരുന്നത്.

ഈ സീസണിൽ പ്രീ സീസണായി ജേഴ്സി എത്തിയപ്പോൾ കൊഡ്രാഡോയുടെ നമ്പർ 16ആയിരുന്നു. അപ്പോൾ തന്നെ യുവന്റസ് ആരാധകർ ഏഴാം നമ്പറിൽ റൊണാൾഡോ വന്നേക്കുമെന്ന് ഊഹിച്ചിരുന്നു. ജേഴ്സി കൈമാറിയതിനെ കുറിച്ച് കൊഡ്രാഡോ തന്നെ ഇന്നലെ പ്രതികരിക്കുകയുണ്ടായി. റൊണാൾഡോയുടെ നമ്പർ ഏഴ് ജേഴ്സി പിടിച്ച് കൊണ്ടുള്ള ഫോട്ടോ സോഷ്യൽ മീഡിയയിൽ പങ്കുവെച്ച താരം കൂടെ ഒരു കുറിപ്പും പോസ്റ്റ് ചെയ്തു. എടുക്കുന്നതിലും അനുഗ്രഹീതം നൽകുന്നതാണല്ലോ എന്നായിരുന്നു കൊഡ്രാഡോയുടെ കുറിപ്പ്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement