പരിശീലകൻ അല്ലെഗ്രിക്ക് എതിരെ തിരിഞ്ഞ് യുവന്റസ് ആരാധകർ. ബൊലോഗ്നക്കെതിരെയുള്ള മത്സരത്തിലെ സമനിലക്ക് പിന്നാലെയാണ് കടുത്ത വിമർശനവുമായി യുവന്റസ് ആരാധകർ രംഗത്ത് വന്നത്. സമൂഹമാധ്യമങ്ങളിൽ #AllegriOut ട്രെൻഡിംഗ് ആയിരുന്നു. യുവന്റസ് ഉടമകളായ അഗ്നല്ലി ഫാമിലിയിൽ നിന്നും പരിശീലകനെതിരെ വിമർശനം ഉയർന്നിട്ടുണ്ട്.
അതേ സമയം ഒരു വിഭാഗം ആരാധകർ അന്റോണിയോ കോണ്ടെയെ തിരികെയെത്തിക്കണം എന്നാണ് പറയുന്നത്. 2011ൽ യുവന്റസിന്റെ ഇറ്റാലിയൻ ഡോമിനേഷൻ ആരംഭിച്ചത് കോണ്ടെയുടെ കീഴിലാണ്. പിന്നീട് യുവന്റസ് വിട്ട കോണ്ടെ, ഇറ്റലി,ചെൽസി, ഇന്റർ എന്നീ ടീമുകളെ പരിശീലിപ്പിച്ചു. നിലവിൽ സ്പർസിന്റെ പരിശീലകനാണ് കോണ്ടെ.