എ എസ് റോമയുടെ പുതിയ പരിശീലകനായി അവരുടെ ഇതിഹാസ താരം ഡാനിയൽ ഡി റോസി വരും. ഈ സീസൺ അവസാനം വരെ നീണ്ടു നിൽക്കുന്ന താൽക്കാലിക കരാറിൽ ആകും ഡി റോസി റോമയിലേക്ക് എത്തുക. ഇന്ന് തന്നെ ഔദ്യോഗിക പ്രഖ്യാപനം വരും എന്നാണ് പ്രതീക്ഷിക്കുന്നത്. റോമ ഇന്നാണ് ജോസെയെ പുറത്താക്കിയതായി പ്രഖ്യാപിച്ചത്.
ഡി റോസി റോമയ്ക്ക് ആയി ദീർഘകാലം കളിച്ച താരമാണ്. 19 വർഷങ്ങളോളം അദ്ദേഹം റോമയുടെ ജേഴ്സി അണിഞ്ഞിട്ടുണ്ട്. നൂറിൽ അധികം മത്സരങ്ങൾ ഇറ്റാലിയൻ ദേശീയ ടീമിനായി അദ്ദേഹം കളിച്ചിട്ടുണ്ട്. ഇറ്റലിക്ക് ഒപ്പം ലോകകപ്പും നേടിയിട്ടുണ്ട്. ഇറ്റാലിയൻ ടീമായ SPALനെ പരിശീലിപ്പിച്ചിട്ടുമുണ്ട്.