ഇറ്റലിയിൽ ഇത്തവണ കിരീടപ്പോരാട്ടം കനക്കുമെന്ന് ലോകകപ്പ് ജേതാവായ ഇറ്റാലിയൻ ഇതിഹാസ പരിശീലകൻ മാഴ്സല്ലോ സിപ്പി. അന്റോണിയോ കോണ്ടെയുടെ ഇന്റർ മിലാൻ കിരീടപ്പോരാട്ടത്തിൽ ചാമ്പ്യന്മാരായ യുവന്റസുമായി ഇഞ്ചോടിഞ്ച് പോരാട്ടം നടത്തുമെന്നും അദ്ദേഹം പറഞ്ഞു.
ഇന്റർ മിലാൻ ഈ സീസണിൽ ആദ്യ 13 മത്സരങ്ങളിൽ 11 എണ്ണവും ജയിച്ചിരിക്കുകയാണ്. ക്ലബ്ബ് ചരിത്രത്തിൽ ഇത്രയും മികച്ച തുടക്കം ഇതിന് മുൻപ് 1950/51 സീസണിൽ മാത്രമാണ് ഉണ്ടായിട്ടുള്ളത്. ഇറ്റലിയിൽ ഇന്ററിനെ പരാജയപ്പെടുത്തിയത് യുവന്റസ് മാത്രമാണ്. ഇരു ടീമുകൾക്കും പുതിയ പരിശീലകന്മാരാണെങ്കിലും ടീമിനെ വിജയയ വഴികളിലേക്കെത്തിക്കാൻ സാരിക്കും കോണ്ടെക്കുമായെന്നും ലിപ്പി സൂചിപ്പിച്ചു.